Ruffa milayas

CEBU, Philippines – Daghan ang naukay human matino nga milayas si Ruffa Guttierez sa ilang panimalay sa Dasmariñas Village, Makati City kagahapon sa buntag diin gidala usab niya ang duha niya ka anak nga sila si Loren ug Venice. Matud pa sa report sa Startalk sa GMA-7 nga nag-away sila si Ruffa ug ang iyang inahan nga si Anabelle Rama. Suma pa nga wa kauyon si Anabelle sa giingong pagpangulitawo sa usa ka lalake ngadto sa iyang anak diin iyang gihulagway nga way respeto. Matud pa nga iboking na sunod sa semana ang pangalan sa maong lalaki. Kahinumduman nga dili pa lang dugay daghan ang migawas nga taho nga dunay “special something” tali nila ni Ruffa ug John Lloyd Cruz nga parehong nagkauban sa bag-o pa lang nahuman nga I Luv Betty La Fea sa ABS-CBN. Apan pareho sila nga nanghimakak niini, ilabi na si Loydie nga nagpa-interview pa sa The Buzz niadtong Domingo. Si Loydie kaha ang gipasabot nga wala mauyoni ni Annabelle? Atangi!