Reklamante batok Aljur ganahan ra mag-showbiz?

CEBU, Philippines – Gihimakak ni Aljur Abrenica ang pasangil sa usa ka 15-year-old girl batok kaniya nga matud pa iyang gibinastosan. Mitumaw usab karon ang tsika nga matud pa ang inahan sa girl ang nanghatag og mga hulagway sa iyang anak uban kang Aljur niadtong didto kini sa Puerto Galera atol sa Holy Week. .Matud pa nga mihangyo ang inahan sa babaye sa usa ka tabloid editor nga magpatabang kini nga masulod ang iyang anak sa showbiz. Samtang ang abogado ni Aljur miingon nga “miscommunication” ang nahitabo ug atubangon sa actor ang reklamo inig balik niini gikan sa Amerika, diin karong adlawa kini molarga alang sa kasaulogan sa Philippine Independence didto.