Relasyon nina Cristine at Dennis low profile lang; GMA 7 executives 'malamig' kay JC De Vera

Seen : Libel ang kaso na isinampa ni Katrina Halili laban kay Mrs. Irene Kho, ang ina ni Dr. Hayden Kho, Jr. Nagdemanda si Katrina dahil sa akusasyon ni Mrs. Kho na gumagamit siya ng ipinagbabawal na droga at siya ang nagturo kay Hayden na gumamit ng droga.

Magiging matibay ang kaso ni Katrina kung pumayag siya na magpa-drug test bago nagsampa ng kaso dahil kung negatibo ang resulta, sapat na ebidensiya ito upang mapahiya si Mrs. Kho.

Scene : Best supporting actor ng 25th Star Awards for Movies si German Moreno. Nanalo si German para sa pelikulang Paupahan. Ikinuwento ni German na kinabahan ang producer ng Paupahan na i-alok ang role na nagbigay sa kanya ng best supporting actor trophy dahil gay-themed ang pelikula.

Seen : Bibigyan na ng GMA 7 ng primetime TV show ang loveteam nina Kris Bernal at Aljur Abrenica dahil sa mataas na rating ng Dapat Ka Bang Mahalin.

Scene : Malamig ang pakikitungo kay JC De Vera ng mga GMA executive na nakikita niya sa mga showbiz event.

Seen : Tuloy pa rin ang relasyon nina Cristine Reyes at Dennis Trillo. Low-profile ang relasyon nila upang makaiwas sa intriga.

Scene : Ang over-acting statement ni Abner Afuang na dapat mawala sa mundo ang Koreano na katulad ni Hayden Kho, Jr. Filipino-Chinese ang pamilya ni Hayden, hindi Koreano. Hindi nag-research si Abner Afuang.

Seen : Ang pangako at assurance ni Senator Bong Revilla na magkakaroon ng magandang resulta ang imbestigasyon ng senado sa sex videos ni Hayden.

Scene : Ang exclusive interview ng TFC kay Dra. Vicki Belo sa Paris, France.

In love na in love sa kanyang videographer boyfriend.