Ayaw palabhan: LT isinusuot pa ang mga damit ni Daboy
Exactly a week from now (June 7) ay gugunitain ni Lorna Tolentino at ng kanyang mga anak (Mark Anthony Fernandez included) ang unang anibersaryo ng pagkamatay ng patriarch ng pamilya, si Rudy pet named Daboy or “Babe” to his widow.
By tradition, isang misa ang gaganapin sa museleo nito sa Heritage Park, bagama’t hindi pa ganap na tapos ang construction nito. At the very onset naman kasi, Lorna opted for a residence-like structure, a self-contained one in fact, where its ambience is home away from home.
Balak pa nga ng anak ng aktres na si Renz na gawing study room ang isang bahagi ng puntod ng ama, very conducive sa aniya’y seryosong pag-aaral before every exam in school.
June 8, isang araw matapos ang first death anniversary ng nasirang action star, Lorna is scheduled to fly to Saudi Arabia and Kuwait with Daboy’s bosom friend Senator Jinggoy Estrada to promote their movie Katas ng Saudi (entry nila to the Metro Manila Film Festival in 2007).
Hopefully din ay magkaroon ng sequel ang naturang pelikula that revolved around the genuine friendship between two males (Jinggoy and Christopher de Leon) in the midst of a family tragedy.
Slowly but surely, it’s business and “busy-ness” for Ms. LT as usual since Daboy’s demise.
Rudy’s physical death, however, does not mean his spiritual absence. Sa katunayan, sa panayam ni Butch Francisco sa dati niyang Startalk co-host, minsan na raw kinalabit ang aktres ng asawa while inside a dressing room. Ramdam daw ni Ms. LT na ang kanyang “Babe” ’yon.
As if to validate her belief na nariyan lang daw sa tabi-tabi si Daboy, ipinakita pa ni Lorna ang kanyang mga larawan kung saan nagtataglay ang mga ito ng “bilugang ilaw,” na iniuugnay niya raw sa presensya ni Rudy.
Whether gawa-gawa lang ni Lorna ang phenomenon na ’yon ay hindi na mahalaga. Whether it is beyond human understanding na ang biyuda lang ni Rudy ang nakakaalam is not for us to judge or misjudge.
Ang alam ni Ms. LT, hindi sapat ang mag-iisang taong pagkawala ng kanyang butihing asawa to be able to fully bounce back.
A case in point, trip na kung trip na matatawag mula sa mga naiwan nang naisuot ni Daboy na shirt at shorts, isinuot daw ni Lorna ang mga ito. Naroon pa rin daw ang amoy ng asawa. At ang mahigpit niyang bilin: Huwag daw palabhan ang mga ito.
Aminado si Lorna na lilipas din ang kanyang “hangover” from a tragedy that befell her family nearly a year ago. Yun din daw ang sabi ng kanyang spiritual adviser, let that one year pass and everything will fall back into place.
Sa ngayon, masaya akong nakikita si Ms. LT (my former Startalk backstage partner) going back to what she loves doing the most: Ang pag-arte na bagama’t mas lumalim pa, had to make her mourn the loss of a loved and a beloved one.
* * *
PERSONAL: I would like to greet my best friend forever, Henry Endradora, a happy birthday (today, May 31). An OFW in Saudi Arabia, Henry is a big PSN fan. But more than that, Henry is my idol.
- Latest
