Hayden 'di natuwa nang punasan ng nanay
Hindi na maabot si Abner Afuang. Talagang gumawa siya ng sariling eksena at siniguro niya na mapag-uusapan siya.
Talk of the town ang pananaboy ni Afuang ng tubig kay Hayden Kho sa hearing ng senado tungkol sa sex videos.
Napanood ko na lang sa mga news program ang eksena dahil may meeting ako noong Huwebes habang on-going ang senate inquiry.
Parang pelikula ang mga eksena. Na-capture ng mga TV camera ang pagpikit ni Hayden habang parang ninanamnam niya ang lamig ng tubig. Ni hindi siya nag-aksaya ng panahon para lingunin kung sino ang nagsabog ng tubig.
Napansin ko rin na parang hindi natuwa si Hayden nang punasan ng madir niya ng panyo ang kanyang basang mukha at buhok.
Nakapikit lang si Hayden habang umaagos ang tubig sa kanyang mukha. Anak talaga siya ng nanay niya dahil papikit-pikit din si Irene sa unang interbyu nito sa TV Patrol World.
* * *
Bilib na bilib ako sa pagtatanong ni Senator Jinggoy Estrada pero naintindihan ko ang kanyang punto sa argumento nila ng abogado ni Hayden, si Atty. Lorna Kapunan.
In fairness, bumilib din ako kay Senator Jamby Madrigal dahil okey ang kanyang performance. Hindi antipatika sa pandinig ang kanyang mga komento at statement. Na-handle niya nang maayos ang buong sitwasyon pero hindi naiwasan ang pagkakaroon ng circus dahil sa drama ni Abner Afuang.
Natulog ng isang gabi sa kulungan si Afuang dahil sarado na ang mga opisina. Walang tatanggap sa kanyang piyansa.
Pamilyar ang name ni Afuang dahil isinapelikula noon ang life story niya. Nag-hunger strike pa siya noon dahil sa kanyang tienes-tienes na ipinaglalaban.
* * *
Invited ako sa Thanksgiving Mass para kay Richard Gutierrez pero hindi na ako nakapunta dahil masyadong hectic ang schedule ko noong Huwebes.
Hindi ko na nga napuntahan ang imbitasyon ng Senado. Pinapunta ko na lang ang aking lawyer na si Atty. Noel Malaya. Wala pa akong balita kung may part 2 ang senate inquiry tungkol sa sex videos ni Hayden pero ito ang tinutukan na show noong Huwebes.
Type na type ng mga Pilipino ang mga ganyang drama. Mga sikat na personalidad ang involved. May kuwento tungkol sa sex, lies, drugs at videotapes.
Sigurado ako na mababa ang rating ng mga regular TV show noong Huwebes ng hapon dahil nakatutok ang lahat sa mga nangyayari sa Senado.
Na-delay ang taping namin ni Papa Joey de Leon para sa Startalk noong Huwebes dahil pareho kaming hindi makababa-baba mula sa aming sasakyan.
Nalibang kami sa pakikinig ng radyo dahil lalong naging exciting ang mga eksena nang magkaroon ng buhusan ng tubig portion.
Naudlot lang ang pakikinig namin ni Papa Joey ng radyo nang sunduin na kami ng mga staff member ng Startalk mula sa aming mga nakaparadang sasakyan.
* * *
May mga nagtanong sa akin kung ano ang kahihinatnan ng imbestigasyon ng senado sa sex video scandal ni Hayden.
Sana, may mangyari at huwag itong matulad sa ibang nagdaang senate investigation na basta na lang nabaon sa limot ang mga kaso na kanilang inusisa.
Abangan na lang natin ang mga susunod na kabanata at saka tayo mag-react kapag walang naging positibong resulta ang imbestigasyon sa kaso ni Hayden.
- Latest
