Katrina halili cancelled na lahat ng trabaho

I feel so loved yesterday. Maraming salamat sa mga nakaalaala sa aking birthday kahapon, lalo na kina Papa Mike Enriquez at Mama Marissa Flores ng GMA 7. Hindi ko akalain na maalaala nila ang birthday ko.

Kukulangin ang space kung isusulat ko ang mga pangalan ng mga bumati sa akin ng happy birthday at sa mga nagpadala sa akin ng regalo. Thank you sa inyong lahat.

* * *

Naloka naman ako nang ilabas ng Umagang Kay Ganda ang litrato video, name at educational background ni Maricar Reyes.

The who si Maricar? Isa siya sa tatlong babae na starring sa nakakalokang sex video ni Hayden Kho.

Ang buong akala ko, gustong protektahan si Maricar ng isang advertising company dahil sa mga product na kanyang ini-endorse as in hindi pa tapos ang mga kontrata niya.

Siyempre naman, mapipilitan ang advertiser na i-pull out ang mga TV commercial ni Maricar kapag nalaman ng publiko ang kanyang pangalan, itsura at pagkatao. Sino pa ang bibili ng mga product na ini-endorso niya kung sangkot siya sa isang malaking eskandalo na hindi naman niya ginusto?

Bale ba, ini-report pa sa morning show ng ABS CBN na doktora si Maricar at graduate siya ng Ateneo University.

Naawa ako kay Maricar dahil baguhan pa siya sa showbiz. Hindi pa siya sanay sa mga showbiz scandal, lalo na sa isang napakalaking eskandalo na siguradong makakaapekto sa kanyang buhay at propesyon.

* * *

Umapir kahapon si Katrina Halili sa NBI para ireklamo si Hayden. Affected na affected si Katrina sa mga nangyayari kaya hindi siya makapagtrabaho nang maayos.

Ipina-cancel niya ang lahat ng kanyang schedule. Iyak siya nang iyak. May mga tao na tumutulong kay Katrina para maayos nito ang problema.

Wala siyang choice kundi tanggapin ang katotohanan na meron nga silang sex video ni Hayden. Hindi lang ‘yung video ng rehearsal nila ng Careless Whisper.

Knowing Hayden, affected din ito ng kanyang mga ginawa. I’m sure, naloka siya dahil birthday na birthday niya, sangkatutak ang kanyang problema.

Balewala ang paghingi ng tawad ni Hayden sa mga biktima niya. Kung mapapanood ninyo ang video, talagang maloloka kayo sa mga eksena.

Hindi puwedeng sabihin na pang-personal collection ni Hayden ang mga video dahil ipinapanood niya ito sa kanyang mga kaibigan. Nalaman lang ni Dra. Vicki Belo na nag-e-exist ang mga sex video nang magsumbong sa kanya ang friends ni Hayden.

* * *

Masyado nang malaki ang video scandal kaya natabunan nito ang ibang mga isyu. Hindi masyadong napag-uusapan na nahuli si Dranreb Belleza dahil sa paggamit ng wang-wang sa sasakyan ng kaibigan niyang si Jude Estrada.

Nakatutok ang atensiyon ng mga tao sa video scandal ni Hayden dahil pumasok na sa eksena ang Philippine Medical Association, ang PRC at ang Senado. Eh ka-join din sa eksena ang Gabriela na nangako na tutulungan nila si Katrina. Masyado nang marami ang kasali sa isyu kaya matagal-tagal pa itong mapag-uusapan.