Nakaukit na sa katawan ni Dingdong
Nakita namin si Dingdong Dantes sa EDSA Shangri-La habang papunta sa gym para mag-workout. Kahit hindi pa masyadong magaling sa trangkaso, kailangan daw niyang mag-workout bilang paghahanda sa taping ng Stairway to Heaven na July ang start.
Wala pa ring leading lady si Dingdong dahil wala pang napipili ang network, kahit ‘yung actress na sinasabing sure na niyang kapareha, hindi pa pala sigurado. Pinakita kay Dingdong ang shortlist nang pinagpipiliang makapareha, pero wala siyang binangggit na pangalan.
Samantala, tinanong namin si Dingdong kung kailan sila last na nagkita ni Marian Rivera? Mabilis ang sagot nitong “kagabi” (Sunday evening) at ibig sabihin kahit may sakit siya, lumabas pa rin siya para sa dinner nila ni Marian.
Ang pagkakasakit ang rason kung bakit hindi napanood ni Dingdong ang guesting ni Marian sa anniversary show ni John Lapus at kung saan sinabi nitong ang name ng kanyang boyfriend ay Jose Sixto Dantes III na tunay na pangalan ng actor.
Tinanong din namin si Dingdong sa tattoo ng initial ng pangalan ni Marian na nasa tagong parte raw ng kanyang hita. Nag-blush lang si Dingdong at hindi sinagot ang aming tanong at may ipinakitang tattoo, pero nasa likod ng right leg niya, malapit sa kanyang ankle.
Alibata raw ang tattoo, pero ang linaw ng mga letrang MGD. Ang MG ay initial ng Marian Gracia na real name ni Marian, pero ‘yung D, wala kaming maisip kundi Dantes ang ibig sabihin.
Smile ang sagot ni Dingdong sa tanong kung Dantes nga ang D sa tattoo niyang MGD.
* * *
Wala pang bagong show si Richard Gomez after All About Eve dahil ang Family Feud ay matagal pa bago ibalik. May susunod pa raw franchise game show pagkatapos ng Hole in the Wall. Buhay ang karakter ng actor sa AAE at pinalabas lang na patay siya dahil nagbakasyon sila sa Las Vegas at nanood ng Pacquiao-Hatton bout.
Masayang ibinalita ni Richard na tapos na siyang mag-shooting ng indie film na Bente ng Sine Direk Series kasama si Sen. Jinggoy Estrada, Iza Calzado, Glaiza de Castro, Aldred Gatchalian at Ricky Davao. Love ni Richard ang role niyang isang assassin at gaya sa ibang artistang lumabas sa mga pelikula ng SDS, hindi rin siya nagpabayad.
Samantala, sa AAE this Wednesday, sabik si Katrina (Jean Garcia) na makita ang anak at the same time, galit na galit siya kay Erika (Sunshine Dizon) sa pagkabulgar ng lihim nito. Aalisin niya itong host ng AAE at ipapalit si Nicole (Iza Calzado).
* * *
Again ang tentative title ng love story movie na gagawin ni Sharon Cuneta sa Star Cinema pagbalik niya from her US Tour, kaya kailangan niyang pumayat. Hindi siya sure kung si Richard Gomez ang kanyang makaka-pareha, basta excited siyang muling gumawa ng movie after the success of BFF.
Ang shooting ng movie ang kalagare ng sunud-sunod na album na gagawin ni Sharon sa Sony BMG at very proud siya sa Children’s Rhymes & Lullabies at kung may gumaya man, sila pa rin ang nauna.
* * *
May presscon/relaunching kagabi ng bagong season ng Lipgloss ng TV5 at ipinakikilala ang bagong cast na papasok kabilang si Lovi Poe na gaganap sa role ni Princess Ava, run-away royalty na mag-i-enroll sa Linden High at ma-i-in love sa commoner na si Edge, portrayed by newcomer Kevin Lapeña.
Hindi nagpapahiram ng artista ang GMA-7 sa TV5, pero nahiram si Lovi dahil hindi siya exclusive talent ng Channel 7 at si Leo Dominguez ang kanyang manager. Saka walang regular show sa Siyete ngayon ang singer-actress.
Hopefully, na-interview namin si Carlo Guevarra na sabi’y boyfriend ng Brazilian beauty at Eat…Bulaga co-host na si Daiana Meneses. Sa Lipgloss nagkakilala at nagka-developan ang dalawa at patunay daw ng relasyon ng dalawa ang mga litrato nilang sweet na sweet na naka-post sa Facebook account ni Daiana.
- Latest
