Katrina mosukol gyud

Andam si Katrina Halili nga mosukol sa nagpagawas sa dirty dancing video nila ni Dr. Hayden Kho bisan pa man mag-abot sila sa korte. Kung dili niya madala sa korte kay iyang ibulgar kung kinsang mga artistaha nga nagkupot sa mga original copies sa maong video ug sa mga laing babaye nga naka-relasyon ni Hayden.

Litsonero makita na

Ugma na molugwa ang pelikula nga Litsonero nga gi-direk ni Lore Reye, sa pinili nga mga sinehan. Lakip sa cast si Paolo Contis diin midala siya nga lalaki nga miiskwela og pagluto sa Macau. Matud pa nga si Paolo gyud ang migasto paingon sa Macau aron makakuha og pipila ka eksena sa maong dapit.

Lihok ni Kwon Sang tun-an ni Dingdong

Excited na si Dingdong Dantes sa primetime series nga Stairway To Heaven, diin modala siya isip Cholo . Matud pa niya nga iyang lantawon ang whole series niini aron masunod gayud niya ang estilo sa Korean actor nga si Kwon Sang Woo kinsa maoy midala niadto sa nahisgutang papel.

Nadine: Wa ko’y kaaway

Nagkauli na sa maayo nilang kabubut-on sila si Nadine Samonte ug Isabel Oli kinsa duha na kahigayon nga wa magtingog. Ang duha kauban sa usa ka sponsored TV series.    “Ang masasabi ko ay wala akong kaaway at hindi ako marunong makipag-away. Lahat kaibigan ko,” lenggua pa ni Nadine .

Billy ug pamilya ni Nikki nagkaila-ila na

Tsika pa sa PEP nga pormal na nga gipaila-ila ni Nikki Gil sa iyang pamilya ang iyang boyfriend nga si Billy Crawford . Matud pa ni Billy nga nasorpresa siya sa gibuhat sa iyang uyab ug nahitabo pa gyud kini sa iyang ika-27 nga birthday niadtong Sabado,May 16.

Marian nagpanikad na sa Darna

Naghinam-hinam na si Marian Rivera sa pagdala niya isip Darna diin iyang sul-obon ang sexy nga costume. Matud pa sa dalaga nga moagi siya sa grabe nga tranings aron lang mapalambo pa og maayo ang iyang mga fight-scene routines sa nahisgutang serye.

“Ikaw na nga” ni Willie halinon

Dako karon ang sales sa album ni Willie Revillame, kini maoy gibutyag sa ABS-CBN Corporate Communications .Matud pa nga ang “Ikaw na nga” album ni Willie maoy nag-una sa listahan sa Odyssey Music store sa ilang Best-selling OPM albums list. (Sanden J. Anadia)