Sam isinugod sa hospital; viewers nadismaya sa 24 oras

Seen :

Kanselado ang birthday presscon ngayon ni Sam Milby.

Isinugod siya sa ospital noong Biyernes dahil sa mataas na lagnat. Pinayuhan siya ng kanyang doktor na magpahinga.

Scene : Nadismaya ang viewers ng 24 Oras noong Biyernes. Paulit-ulit ang plugging ng 24 Oras na kakain ng mangga si David Archuleta at balut naman ang titikman ni David Cook. Natapos ang news program na hindi naganap ang eksena na hinintay ng kanilang viewers.

Seen : Mukhang may-sakit si Geneva Cruz sa sexy pictorial niya sa Maxim.

Payat ang kanyang katawan at humpak ang mukha.

Scene : Tinutuklas ng mga reporter ang katauhan at pangalan ng dance instructor na nali-link kay Dionisia Pacquiao.

Seen : Hindi nakalimutan ng fans ni Marky Cielo ang kanyang 21st birthday noong May 12.

Nami-miss si Marky ng kanyang loyal fans.

Scene : Hindi maganda ang red top na suot ni Pia Guanio sa 24 Oras noong Biyernes ng gabi. Masyado niyang pinaghandaan ang live interview kina David Cook at David Archuleta.

Tumitingkad ang Pinay na kagandahan ni Pia kapag simple ang kanyang pananamit.

Seen : Blooming si Jinkee Pacquiao. Na-develop nang husto ang kanyang personalidad mula nang sumikat at maging international celebrity ang kanyang asawang si Manny Pacquiao.

Ang nagagawa ng success...