Zorro mahuhulog na sa bitag!
MANILA, Philippines – Bukod sa pagiging environmental hero, hindi na paaawat ang kasikatan ni Richard Gutierrez bilang si Zorro, ang bayaning may busilak na puso at kilalang tagapagtanggol ng kabutihan at katarungan.
Matapos madukot si Lolita, dumating si Zorro upang iligtas ang dalaga. Pinakiusapan niya si Cara na pakawalan ito ngunit nahuli din siya at nakulong sa kulungan. Nakarating agad kina Shihong na nahuli na si Zorro at ibinalita niya ito sa mga guwardiya sibil ngunit hindi sya pinansin nito.
Nakatulog si Samurai sa pagbabantay kay Zorro nang makita naman niya si Pepe at Bernardo. Pakakawalan na sana si Zorro nang magising si Samurai. Kalat na sa bayan na nahuli na si Zorro ngunit ayaw pa ring maniwala ni Ramon. Gulat nila ng may dumating na karwahe na may takip. At nakita nilang si Zorro nga ang nakakulong dito. Inasar pa ni Zorro si Ramon.
Mabunyag na kaya ang tunay na pagkatao sa likod ng maskara ni Zorro? Huwag nalang palampasin ang mga pakikipagsapalaran ng ating hero gabi-gabi pagkatapos ng 24 Oras sa GMA 7.
- Latest
