Josh Groban crush ni Charice

CEBU, Philippines – Hugyaw na gyud si Charice tungod kay mi-hire si David Foster og kaugalingong voice coach, wardrobe handler, make-up artist ug stylist para ra gyud sa dalaga.

Mikuha pod si David og manager para ni Charice alang sa international career niini, pero si David gihapon maoy magbuot alang sa mga shows ug performances nga salmotan sa dalaga.

Kung nia siya sa Pilipinas, ang Star Records gihapon maoy moatiman sa iyang career gani bag-ohay pa lang siya naka-release sa iyang second album sa maong recording outfit nga nag-ulohan og Charice, My Inspiration.

Dungan niini giklaro ni Charice nga mapasalamaton gyud siya sa Star Records tungod kay kini maoy instrumento sa tanang nahitabo kaniya. 

Samtang atol sa presscon sa iyang “My Inspiration” album, gibutyag ni Charice nga ang sikat nga TV host nga si Oprah maoy nagbuot nga dili na lang niini gamiton ang Pempengco. Ang rason ni Oprah mao nga maglisud siya og litok niining maong apelido.

Gibutyag pod ni Charice nga si Josh Groban maoy iyang crush pero wala masayod ang international singer labot niini. (Sanden J. Anadia)