Komedyante patung-patong ang kaso

Hindi man lang nag-init ang mga nanood ng laban ni Manny Pacquiao at Ricky Hatton sa TV kahapon. Sa unang round pa lang, natumba ng dalawang beses ang boksingerong Briton, kaya pagdating ng second round, pangatlong tumba, wala na. Tapos na ang laban. Kaya ang ending, bawat gap, pati sa pagpasok sa ring nina Hatton at Pacman, may commercial.

Walang nag-akala na ganun lang kaiksi ang laban kaya bawat puwedeng pasukan ng commercial, nilagyan.

Maaga pa lang kasi ay alam na nanalo si Pacman dahil na-report agad sa radyo at sa mga malls na nagpalabas ng live. Pero siyempre, gustong makita ng marami ang actual scene – kung paano pinatulog ni Pacman si Hitman.

Actually, ayon sa report, inabot lang ng 356 minutes ang nasabing laban. Kaya umaapaw ang dami ng commercial sa dalawang round nito.

At si Martin Nievera, siguradong nakahinga na ng malalim. Nanalo si Pacman at hindi totoo ang naunang hula na may malas factor pag lalaki ang kakanta sa laban ng pambansang kamao.

 Siyempre, kanya-kanya na namang pintas kay Martin. Lagi namang may pintas sa mga kumakanta ng Lupang Hinirang lalo na’t mabilis ang pagkakanta ng concert king. May nagsabi na lip synch lang ang kanta niya.

Kaya lang, ang siste wala yatang kumuha ng photo sa dinami-dami ng photographers sa MGM Arena. Wala kaming makuha eh. Kahit ang mga international news provider ay walang kuha except sa isa na natakpan pa ang mukha niya.

* * *

Patung-patong na kasong estafa raw ang kailangang harapin ng isang komedyanteng not so famous.

Yup, ang dami raw kasi nitong utang – silang dalawa ng kanyang asawa na mahilig sa alahas, tapos hindi nagbabayad. So ang nangyari, dumami nang dumami ang kanilang inuutangan na halos sabay-sabay nag-file ng kaso.

Kaya lang, dedma raw ang nasabing komedyante sa mga subpoena na ipinadadala sa kanya.

Sa Wednesday balitang bibigyan na siya ng warrant of arrest kung hindi pa siya sisipot sa korte.