Pauleen Luna binantaan ni Lolit Solis

MANILA, Philippines - Seen : Ang litrato nina Ynez Veneracion at Juliana Palermo na magkasama.

Dating mortal na magkaaway ang dalawa ngunit bati na sila. Starlets will be forever starlets.

Scene : Ang biro ni Annabelle Rama sa alagang si JC De Vera na baka mabuntis na nito ang girlfriend na si Rhian Ramos.

Seen : Hindi pa sigurado ang pagiging Mikaela endorser ni Gabby Concepcion. Alam ni Mikaela Bilbao na hindi pa ayos ang problema ni Gabby at ng kanyang manager na si Rose Flaminiano.

 Ayaw ni Mikaela na makasagasa ng ibang tao.

Scene : Nag-lie low ang mga producer ng gay-oriented independent films na ipinalalabas sa UP Film Center.

Mainit sa mga gay oriented-film producers ang mga moralista.

Seen : Ang ultimatum ni Lolit Solis kay Pauleen Luna na magpagupit ng buhok.

Puwede nang maghanap si Pauleen ng ibang manager kung hindi niya susundin ang kagustuhan ni Lolit.

Scene : Marami ang tumawag sa opisina ng Royal Era nang i-announce ni Annabelle Rama sa Showbiz Central ang kanilang landline.

Inanyayahan ni Annabelle ang mga kababayan na Bisaya na makipag-ugnayan sa kanya dahil sa isang malaking ‘project’ na kanyang binabalak.

Scene : Hindi updated at mali-mali ang schedule ng mga pelikula na ipinalalabas sa Cinema One.

Seen : Involved na involved ang readers ng PSN comment section sa Ted Failon issue ngunit nasasawa na sila sa walang humpay na pagpiga ng ABS-CBN sa bawat anggulo ng trahedya na dumating sa buhay ng kanilang kapamilya.