Richard nagso-solo sa sports car

MANILA, Philippines - Seen : Si Richard Gutierrez sa kanyang sports car noong Huwebes ng hapon. Walang tint ang bintana ng sasakyan ni Richard. Kitang-kita ng mga tao na siya ang nagmamaneho at solong pasahero ng kanyang sports car.

Scene : Ang maraming tao na nagpunta sa Arlington Funeral Chapel sa Araneta Avenue, QC upang makiramay sa mga naulila ni Trinidad Etong, ang may-bahay ni Ted Failon.

Iniimbestigahan pa ng mga pulis ang kontrobersyal na kaso.

Seen : Nakasuot ng shades si Korina Sanchez sa radio program nila kahapon ni Ted Failon. Wala pang tulog si Korina dahil tumulong siya sa pag-aasikaso sa mga problema ni Ted. Na-touch nang husto si Ted sa suporta ni Korina.

Scene : Ang pag-amin ng dating singer na si Jojit De Niro na nagkaroon sila ng relasyon ni Jordan Herrera.

Napilitan si Joji na magsalita dahil sa statement ni Jordan na hindi pa nito nararanasan na magkaroon ng relasyon sa bading.

Seen : Kahawig ni Wally Bayola si Michael V. kapag nakabihis-babae ito bilang yaya ni Angelina. Pansinin ang malaking pagkakahawig nila sa pagsisimula sa Lunes ng Hole In The Wall, ang game show nina Michael V. at Ogie Alcasid sa GMA 7.

Scene : Ang sulat na ipinadala ng legal counsel ni Annabelle Rama sa PEP. Ipinahihinto ng abogado ni Annabelle ang paglalabas ng PEP ng mga artikulo tungkol sa Gutierrez family habang on-going ang libel case ni Richard Gutierrez laban sa PEP.