Endorsement offers ni Sarah nagtipun-og

MANILA, Philippines - Dili na gyud kapugngan ang kasikat ni Sarah Geronimo kay matawag na siya nga country’s leading commercial endorser. Suma pa nga miabot na og 18 ka mga produkto ang iyang na-indorso ug ang labing bag-o mao ang Magnolia beverages sa San Miguel Corporation. Kini wala pay labot sa nag-ong-ong nga negosasyon tali sa mga interesado nga mga kompaniya nga buot mukuha ni Sarah isip endorser.

Calayan maypag maghilom

Daghan ang nakaingon nga mas maayo pa nga hunongon na lang sa magtiayong doktor nga sila si Manny ug Pie Calayan ang ilang mga padayag nga ilang dawaton isip endorser si Katrina Halili. Kini tungod kay dili na gyud kini mahitabo sanglit sa sunod buwan pormal na man nga ilusad si Katrina isip endorser sa Flawless.

George and Cecil Mayo na pod

Imbes nga Abril, nasibog na pod sa Mayo ang pilot telecast sa sitcom nga George and Cecil matud pa ni Judy Ann Santos. Pero no comment siya sa pangutana kung tinuod ba nga masalida na kini human unya sa ilang kasal ni Ryan Agoncillo sunod buwan.

Hole In The Wall

Daghan na ang naghinam-hinam sa pelikula nila ni Michael V. ug Ogie Alcasid nga nag-ulohan og “Ang Spoiled Brat” diin nagsugod lang kini isip segment sa Bubble Gang ug nailhan sila isip Yaya ug Angelina. Apan sa dili pa, mulugwa una ang duruha isip hosts sa labing bag-ong game show sa GMA-7 nga Hole On The Wall karong Lunes, puli sa Family Feud.

Iza kever og second choice ra

Dako kaayo ang pasalamat ni Iza Calzado ngadto ni Senator Bong Revilla nga siya gyuy gipili isip usa sa duha ka leading ladies niini para sa Panday. Ang laing usa mao si Rhian Ramos, diin pormal na sila nga gipaila atol sa story conference sa maong pelikula niadtong Huwebes sa gabii. Sayod si Iza dili siya first choice pero wala siyay pakialam.

Nalakip sa maong pelikula si Benjie Paras, Geoff Eigenmann, John “Sweet” Lapus, Gladys Guevarra, Paulo Avelino, Stef Prescott ug Phillip Salvador.

Phoem nausab ang nawong

Dako matud pa og kausaban ang dagway ug lawas sa TV host nga si Phoemela Baranda human “mahipo” ni Dra. Vicki Belo. Kini maoy nakit-an sa PangMasa atol sa birthday ni Jobert Sucaldito niadtong milabay nga gabii.

Birthday special ni Kim ugma

Maka-patukod og kaugalingong balay sa Loyola Grand Villas sa Quezon City ang birthday wish ni Kim Chiu kinsa magsaulog sa iyang adlaw’ng natawhan ugma puhon, April 19. Duna na siya’y napalit nga lote sa maong exclusive subdivision. Ugma sa ASAP ’09 dunay hugyaw nga birthday special nga giandam ang maong show para ni Kim.

Movie ni Gardo hawod sa US

Ang pinoy independent film nga “Prinsipe ng Sabong” o Prince of Cockfighting ang modawat og award sa 42nd WorldFest-Houston Independent International Film Festival sa Texas. Ang maong pelikula gibitounan nila ni Gardo Verzosa, Katya Santos ug Alan Paule ug ubos kini sa direksiyon ni Yeng Grande . Madawat sa maong pelikula ang REMI Best Feature Award sa maong film festival nga nagsugod kagahapong adlawa hangtud sa petsa 26.

Siaboc nakaamgo gyud

Giangkon ni Jay-R Siaboc nga nataud-tauran nga wala siyay proyekto gumikan kay napasagdan niya ang iyang kaugalingon diin usa na niini ang iyang pagpanambok. Pero human sa nagkadaiyang workout labi na sa pag-boxing, balik na usab siya sa acting. Nalakip siya karon sa Kambal sa Uma nga gibidahan nila Melissa Ricks ug Shaina Magdayao.

MMK ni LT

Karong gabii na gyud mulugwa ang dunay na kaayong gipaabot nga MMK episode ni Lorna Tolentino sa ABS-CBN. Pares niya dinhi sa Albert Martinez sa usa ka istorya kalabot sa usa ka asawa nga gibuhat ang tanan aron dili mabungkag ang ilang pamilya human nahugno ang kalibutan sa iyang bana.