Santino hangtud October pa

CEBU, Philippines - Hangtud sa October pa ang May Bukas Pa busa taas-taas pa gyud nga panahon nga makita ang pagmilagro ni Santino (Zaijian Jaramilla) sa telebisyon. Ang padayong pagtaas sa rating niini ug ang daghang requests nga patas-an pa ang maong serye, ang hinungdan sa pag-extend. Human sa mga bigating artista nga nahimong guests sa maong programa naka-line up usab sila si Susan Roces ,Rossana Roces, ug sa June puhon sila si Piolo Pascual ug Sam Milby.

Angel, Sam, Diet nauyonan

Nakita na sa mga taga Star Television ang pipila ka video clips sa Only You nga gibidahan nila ni Angel Locsin, Sam Milby ug Diether Ocampo . Matud pa sa nasagap nga tsika sa PangMasa nga nahimout ang mga taga Star Television sa mga eksena niini nga gi-shoot sa Korea .“We’re so proud of this material,” mensahe pa sa usa ka insider nga taga Star TV, ang producer sa maong top-rating Koreanovela.

PEP wala mabalaka sa kiha ni Richard

Gipadayag sa Philippine Entertainment Portal (PEP) nga andam na sila modepensa sa P25-million libel suit nga gipasaka ni Richard Gutierrez batok kanila. Matud pa sa legal Counsel sa PEP nga si Atty. Sandy Coronel nga wala maka-violate ang PEP sa code of ethics of journalists sa dihang gi-upload ang istorya kabahin kang Richard.

Vina nagsakit na ang tiyan

 Hangtud sa pagsuwat niining balitaa kagahapon wala pa manganak si Vina Morales, pero matud pa ni Shaina Magdayao ngadto sa PangMasa dili na kini madugay tungod kay nagsakit-sakit na ang tiyan sa iyang ate. Unang gipahibawo ni Shaina nga April 10, gipaabot ihimugso ni Vina si Caena—ang nakaandam nga pangalan sa maong bata—hinungdan nga wala mahinayon ang ilang holy week vacation unta sa Bora. Pero tungod kay kamaguwangan kini ni Vina, nadugay matud pa.

Padre De Pamilya

Busy karong panahona ang singer-actor nga si Ariel Rivera alang sa pag-promote sa iyang independent film nga nag-ulohan og “Padre De Pamilya.” Ang maong pelikula giindorso sa walo ka Catholic bishops diin nalakip niini si Manila Archbishop Cardinal Gaudencio Rosales. Ang “Padre De Pamilya” makita na sa SM Cinemas karong April 29 hangtud sa May 5.

Diet-Rema getting stronger

Gikataw-an lang ni Diether Ocampo ang mga hungihong nga matud pa nagkahanap na ang relasyon nila sa print model nga si Rima Lorza Ostwani. Giklaro niya nga nagpabiling lig-on ang relasyon nila sa maong modelo. Sanden J. Anadia

Krista trying hard columnist?

Dunay mga wala makauyon sa column ni Krista Ranillo sa Maxim magazine karong buwana kay matud pa walay kwenta ang gihisgutan sa dalaga, diin walay interesado nga masayod sa mga impormasyon nga iyang gipangmantala. Suma pa sa mga barako nga nakabasa, naning as in naningkamot ug pinugos ang pagyagyag sa mga detalye.

Janina nanghimakak

Pwes, mitingog na gyud si Janina San Miguel kalabot sa isyu nga siya maoy bag-ong “apple of the eyes” ni business tycoon Tonyboy Cojuangco. Suma pa ni Janina sa The Sweet Life QTV11 niadtong Lunes sa hapon nga trabaho lang sa TV5 ang ilang giistoryahan ni Tonyboy ug walay igat-igat. Pwes, walay katinuoran nga siya maoy gihulip sa negosyante kang Gretchen Barreto.