Kanta sumikat, Sandara may career na sa Korea

Seen : Ang lumuluha na pagtatapat ni Aubrey Miles sa SNN na meron na siyang anak.

The truth set her free.

Scene : Ang interview kay Troy Montero ang next scene sa mga showbiz talk show.

Magiging visible si Troy dahil sasagutin niya ang mga tanong tungkol sa kanyang reaksyon sa ginawang pagtatapat ni Aubrey.

Seen : Naiinip na ang fans ni Heart Evangelista. Matagal na silang naghihintay ng bagong TV show ni Heart dahil matagal nang tapos ang Luna Mystika.

Scene : Mga menor de edad na bata ang nagnakaw sa mga sapatos ni William Martinez sa tahanan nito sa Quezon City.

Ang mga village security guard ang nakahuli sa mga batang magnanakaw.

Seen : Ang pagdating ni Samantha Lopez mula sa New York.

Babalik sa Pilipinas si Samantha upang sumali sa Goma Cup.

Scene : May pressure kay Martin Nievera ang pagkanta niya ng Lupang Hinirang sa laban nina Manny Pacquiao at Ricky Hatton.

Baka sa kanya ibunton ang sisi kung hindi matalo ni Manny si Ricky.

Seen : Hit song sa Korea ang Lollipop, ang single ng all-girl group na 2NE1.

Member ng grupo si Sandara Park na happy dahil may career siya sa sariling bansa.

Scene : Ang pagdalaw ni Christian Bale sa training ni Manny Pacquiao sa Wild Card Gym.

Si Christian ang bida ng bagong Terminator movie at siya ang dagdag sa listahan ng mga Hollywood actor na bilib kay Manny.