Sarah dili hatagan og teleserye

CEBU, Philippines – Dili na makita sa bisan unsa nga teleserye si Sarah Geronimo aron dili mapul-an ang mga tawo. Kini maoy nasayran sa PangMasa gikan sa manager ni Sarah nga si Vic del Rosario, ang head sa Viva Entertainment. Makita na lang si Sarah sa ASAP ’09 matag Domingo sa ABS-CBN. Suma pa ni del Rosario nga naobserbahan man gud niya nga bisan bata pa ang artista ug sikat kaayo sa teleserye, dili na motan-aw og sine ang mga fans, busa dili siya buot nga mao ni mahitabo sa career ni Sarah. Pwes, sa movies ug sa commercials na lang gyud maaninaw si Sarah nga mo-arte.

Erap nagduha-duha makighawok ni Ai Ai

Nagduha-duha diay si kanhi Presidente Joseph Estrada sa ilang umaabot nga pelikula ni Ai-ai de las Alas nga dunay working title nga “Ang Tanging Ama Nyong Lahat” tungod sa kondisyon nga nalakip sa kontrata—kinahanglan nga duna sila’y torrid kissing. Magtiayon sila si Ai-ai ug Erap sa story, matud pa.