Psst. Psst. Psst.

MANILA, Philippines - Iba na talaga ang dating ngayon kapag nasutsutan ka.

Dahil ’yan sa T2 o Tenement 2 na nagsisimula nang ipalabas sa mga sineha. Engkanto ang sentrong subject ng pelikula, at dadalhin tayo nito sa mundong ngayon lang natin makikita!

Ipinapangako ng Star Cinema, ni Master Director Chito Roño at ng Diamond Star na si Maricel Soriano na de-kalibre ang pelikulang ito at siguradong maeengganyo ang lahat na panoorin ito sa mga sinehan. Nakakapagod man at grabe ang shooting, at todo-todo ang pagsasaayos ng special effects, ay siguradong sulit na sulit ito dahil sa obrang natapos ng trio.