Abby, Bianca Paz ug Ervic sa Century Superbod

CEBU, Philippines – Gianunsiyo na sa miaging adlaw ang 20 ka official finalists sa Century Tuna Superbods ’09 ug nasulod sa line-up ang kanhi boyfriend ni Marian Rivera nga si Ervic Vijandre.

Ang 23 anyos nga si Ervic tubong Taguig City, usa ka sikat nga modelo ug basketball player. Usa usab siya sa Cosmo’s 69 Bachelors for 2008.

Gawas kang Ervic, nasulod usab sa listahan ang familiar nga mga personalidad sama nila ni Star Magic Batch 16 member David Nagtalon, Man of the Year Philippines 2005 Joseph Kidwell, usa sa Metro Mag’s Smoking Hot Men of Summer Van Victor Leano ug model-actor Rey Talosig nga kanhi sakop usab sa Take 5 Boys sa SOP.

Samtang sa female finalists, nalakip ang girlfriend ni Paolo Bediones nga si Abby Cruz kinsa naparot sa Bb. Pilipinas karong tuiga ug nakontrobersiyal karon human malambigit ang iyang mga kauban didto sa Boracay nga sila si Maggie Wilson ug Danielle Castano niadtong Martes sa gabii.

Nalakip usab sa finalists ang Fil-Canadian nga si Theresa Fenger kinsa miapil og nagkadaiyang beauty pageants ug singing contests didto sa Canada. Recording artist usab siya didto sa Japan ug nahimong Miss Global Teen Canada niadtong 2004.

Samtang ang Ms. Sexy Body 2009 winner nga si Kriska Gonido nalakip usab sa listahan . Kanhi usab siya nga ASF Dancers sa Wowowee ug nailhan na sa pangalan nga “Paloma” nga cover karon sa FHM.

Wa usab nagpauwahi   si Cherry Ann Kubota, ang 1st Runner Up sa Mossimo Bikini Summit 2007 ug nakalugwa na usab sa FHM niadtong November 2008.

Laing Binibining Pilipinas contestant ang nalakip isip finalist, si Bianca Paz, ang kanhi girlfriend ni Polo Ravales, kinsa wala masulod sa Top 10 sa Bb. this year. Majority sa mga finalists sa Century Tuna Superbods ’09 nagagikan sa Metro Manila ug tulo lang sa laing dapit.