Lea dili pa andam makig-uban ni Aga

CEBU, Philippines - Dili pa ready si Lea Salonga nga mohimo og reunion movie with Aga Muhlach. Matud pa ni Lea ngadto sa ABS-CBN.com, kinahanglan nga physically fit siya—meaning magpaniwang—aron dili maputos sa mga pagsaway. Nagpaabot pa pod siya og maayo nga material para sa maong project. Fourteen years ago pa via Sana Maulit Muli ang katapusan nilang pelikula ni Aga.

Enchong bida na gyud

Ang bag-ong Star Magic all-male group Gigger Boys—gilangkuban nila ni Enchong Dee, Robi Domingo, Dino Imperial, Sam Concepcion, Arron Villaflor, AJ Perez, ug Chris Gutierrez—maoy musunod nga pambato sa umaabot nga Your Song Presents: Boystown. Nilang tanan, si Enchong maoy labing bida tungod kay grabe ang conflict sa iyang character nga si Arnel, usa ka batan-on nga mubo og pasensya ug ikabangi sa ubang characters. Matud ni Enchong, ang maayo niyang role maisip nga “ make or break” para sa iyang career.

Andrew napriso sa Boracay

Tanggol sa Boracay Police Station ang model-actor nga si Andrew Wolfe gumikan sa robbery case nga gipasangil kaniya.  Usa ka security guard sa D’ Mall nga ginganlan og Rodolfo Norby ang miingon nga giilog ni Andrew ang iyang pusil niadtong Lunes sa gabii samtang naka-duty siya sa nahisgutang establisamento. Human sa maong hitabo, midagan dayon ang aktor paingon sa Hey Jude Bar ug sa dihang miresponde ang kapulisan, dali dayon nga giuli ni Andrew ang gikuha niya nga butang sa guwardiya. Gidala kagahapon ang aktor sa Kalibo, Aklan ug didto pormal ipasaka ang kaso. Apan matud ni Andrew gilunggob niya ang armas kay gitionan siya ni Norby niini.