Are You The Next Big Star?

CEBU, Philippines - Are You The Next Big Star? Kini maoy gikatahong titulo sa bag-ong singing contest sa GMA-7 to be hosted by Regine Velasquez. Nagsugod na ang auditions didto sa kaulohan, diin bukas kini alang sa amateur and professional singers, male and female, 16 to 24 years old.

David and David Live in Manila

Kumpirmado na ang concert nila ni American Idol season 7 (2008) David Cook ug runner-up David Archuleta sa Pilipinas. Mahitabo kini karong May 16, 2009 sa SM Mall of Asia Open Ground, Pasay City, Philippines. Giulohan og “David and David Live in Manila” , usa ka YouTube entry ang nagtino niining maong concert, diin gipakita ang duha ka David nga gidapit ang ilang Filipino fans nga motan-aw sa maong pasundayag.

Ex ni Rafael pakasal na?

Gidungog nga magpakasal na ang ex-girlfriend ni Rafael Rosell nga si Malaya Lewanski karong September, ngadto sa bag-ong uyab niini. Suma pa nga ang maong boyfriend co-owner og 24 hour gym, ug mao ang gitumbok ni Raf nga third party sa ilang tulo ka tuig nga relasyon. Tua sa US si Malaya karon ug tsika pa sa PEP nga misunod ang lalaki kay nananghid na sa mga ginikanan sa dalaga.

Richard mokiha gyud sa PEP

Sa pagbalik ni Richard Gutierrez sa Pilipinas liwas sa holy week na siya moduso og kaso batok sa Philippine Entertainment Portal o PEP kalabot sa artikulo niini nga gitionan niya og armas si Michael Flores. Kana kun dili pa gyud bakwion sa PEP ang maong istorya, bisan og mihimakak na ang nalambigit sa maong istorya. Milupad sila si Richard ug Rhian Ramos paingon sa New Jersey kagabii, sanglit guest sila sa show sa Eat Bulaga didto.