Pinay in demand sa Hollywood

MANILA, Philippines - Nasa bansa ang Hollywood (Pinay) actress na si Jelynn Rodriguez na in fairness ay hindi press release ang pagiging artista sa Hollywood. Marami na siyang nakatrabahong Hollywood star at nakasama na siya sa maraming TV series, nag-host at gumawa ng pelikula at ngayon, bida sa new and original web show na Acts of Love and Sex (isang series sa internet na mapapanood for free).

Kuwento ni Jelynn with matching video clips kahapon, naka-trabaho na niya ang mga bigating Hollywood stars tulad nina James Caan, Josh Duhamel, Christina Applegate and Molly Sims sa television series na Las Vegas at Samantha Who.

Pero sa promo ng Acts of Love and Sex ang concentration ni Jelynn sa pagdating sa bansa ng pure Filipina (Cebuano ang mother niya at Bicolano ang ama pero sa San Diego siya ipinanganak), isang comedic drama tungkol sa triumps of love in the 21st century na nagkaroon ng launching last February sa www.AOSL.tv. 

Actually, bago ang nasabing web series, marami na siyang ginawang project sa iba't ibang network sa Amerika tulad ng TV Guide Channel, AMC, SiTV at ang pinaka-recent ay ang Disney/ABC's Soapnet.

Bilang host, na-interview na niya ang malalaking pangalan sa Hollywood tulad nina Tyra Banks, Rachel Ray, Ellen Degeneres, Lindsay Lohan, Katy Perry, Justin Long, Mario Lopez at marami pang iba. Pero kino-consider niyang pinaka-memorable sa lahat si Lindsay Lohan dahil super nice daw ito.

Na-feature na rin siya sa Nickelodeon, MTV, NBC and ABC at heto, naging bida na siya sa pelikulang Bar Starz and Grizzly Park. Kaya lang parang hindi yata na-released sa bansa ang nasabing dalawang pelikula.

Involved din siya sa San Diego Asian Film Foundation at rumampa sa 2007 and 2008 AZN Asian Excellence Awards sa Los Angeles.

Pero kahit abala sa career, Jelynn continues to volunteer her time doing philanthrophy work para maka-raise ng money and awareness for the children para sa HOPE Worldwide Village sa Baseco and Laguna (Philippines) at Ginea Alexander Philanthropy Projects.

Nagsimula siya sa Hollywood bilang hiphop professional dancer. From there, nag-workshop siya for acting and hosting and luckily, nakapasa siya as host sa unang audition hanggang magtuloy-tuloy na. (SVA)