Sarah Geronimo health advocate na

MANILA, Philippines - Talagang namamayagpag ang career ni Sarah Geronimo. Maliban sa pagiging isang successful singer, TV star, at ngayon, box office queen, isa na ring health advocate ang bida ng You Changed My Life na si Sarah. Napili ng San Miguel Beverages Inc. si Sarah bilang pangunahing endorser ng lahat ng produkto nito, tulad ng Magnolia Health Tea at Fruit Drink, Magnolia Purewater, Magnolia Powdered Fruit and Tea Drink Mix, at Magnolia Nutri Fruti Milk. Bilang endorser, si Sarah ay magiging isang ganap na health advocate dahil siya ang pangunahing spokesperson ng mga health campaigns ng kumpanya. Kamakailan lang ay naging abala ito sa shooting ng bagong TV commercial na may temang Ang Sarap Mag-Refresh ng Magnolia.