Hiwalayang Gretchen-Tony Boy lumang issue na!

Seen : Ang apology ng PEP kay Richard Gutierrez dahil sa report na inilabas nila noong Linggo.

Nag-apologize ang PEP ngunit hindi nila binawi ang kanilang report tungkol sa isyu ng pag-aaway nina Richard at Michael na parehong idinenay ng dalawang aktor at ng ibang mga bisita sa birthday party ng direktor na si Mark Reyes.

Scene : Ang balita na hiwalay na sina Tonyboy Cojuangco at Gretchen Barretto.

Ito rin ang balita noong ipino-promote ni Gretchen ang kanyang unang album sa Star Records. Ang kanyang second album na ang ipino-promote ngayon ni Gretchen.

Seen : Ang bagong Bench billboard ni Dingdong Dantes sa Guadalupe bridge.

Walang bago. Mas maganda ang mga dati niyang billboard.

Scene : Ang kuwento ng mga kasamahan ni Philip “ Epoy “ Molina na nangyari ang aksidente bago nag-umpisa ang kanilang mountain bike final race.

Hindi na itinuloy ang karera. Si Epoy ang namatay na asawa ng movie director na si Cathy Garcia-Molina.

Seen :  Pangalawang asawa ni Alma Moreno si Mayor Fahad Salic ngunit hindi siya ang unang babae na pinakasalan ng mayor ng Marawi City.

Scene : Ang pagmumura ni Raffy Tulfo sa radyo noong Lunes dahil hindi maipaliwanag ng kanyang iniimbestigahang tao ang kinapuntahan ng pera na itutulong sa mga tao na nasalanta ng bagyong Milenyo noong 2005.

Normal na kay Raffy ang paggamit sa radyo ng gago, tarantado at p..g-.i...a ka  kapag paliguy-ligoy ang kanyang kausap.

Siya ang pinakamatapang na radio personality sa kasalukuyan.

Seen : May bagong boyfriend si Rosanna Roces na malaki ang naitutulong at impluwensya sa kanya. Hindi nawawalan si Rosanna ng lovelife.

SCENE : Ang reklamo ng mga nag-audition sa Season 2 ng Survivor Philippines, nakasimangot at hindi nakikinig sa kanilang sagot ang staff ng show na nag-interbyu sa kanila.

Inirereklamo nila ang gay na payat, matangkad at sarat ang ilong na staff member.