Sa Malawi uli. Madonna mag-aampon ng isa pang bata

CHINKHOTA, Malawi – Kasama ni Madonna ang kanyang 12 taong gulang na anak na si Lourdes nang dumating siya sa bayang ito kahapon para sa itatayo niyang eskuwelahan dito.

Pero, habang patungo siya sa hikahos na bayan ng Chinkhota, tumanggi si Madonna na linawin sa mga reporters kung sisimulan na niya ang pagpapaproseso nang napaulat na pag-aampon niya ng isa pang bata sa Malawi.

Isang apat na taong gulang na batang babae ang napaulat na aampunin ng 50 anyos na singer pero tumanggi siyang sagutin ang tanong ng mga reporters hinggil dito.

Nauna nang nag-ampon si Madonna ng isang batang lalaki mula rito sa Malawi na nagngangalang David noong nakaraang taon.

Inaasahang haharap si Madonna sa isang korte sa Lilongwe para lumagda sa mga papeles para sa bagong batang aampunin niya.

Kapag natuloy ang balak ni Madonna, magiging isa siyang single mother na may apat na anak. Walong taong gulang na si Rocco na anak niya sa dati niyang asawang si Guy Ritchie at si Lourdes naman ay anak niya sa isa rin niyang dating karelasyon.

   Nagdiborsyo sina Madonna at Ritchie noong Nobyembre 2008. — AP