Relasyon sa basketbolista gustong ilihim ni Isabel

MANILA, Philippines - SEEN : Ginaya sa dance steps nina Beyonce at Justin Timberlake sa Single Ladies ang dance steps ng Galaw-Galaw sa Tag-Araw, ang summer station ID ng ABS-CBN.

Nanggaya man, malakas ang recall ng nakaka­aliw na dance steps at melody ng Galaw-Galaw sa Tag-Araw.

SCENE  : Ang panliligaw ni Wesley Gonzales kay Isabel Oli. Ayaw pang ipaalam ni Isabel sa publiko ang pagkakaunawaan nila ng sikat na basketball player.

SEEN : Dapat magdagdag ng timbang si Gretchen Barrettto. Nakakatanda ng mukha ang kanyang kapayatan.

Pinasalamatan kahapon ni Gretchen sa ASAP ang mga taga-Antipolo. Balwarte ng mga Puno ang Antipolo.

SCENE : Ayaw nang magsalita ni Rufa Mae Quinto tungkol sa isyu na galit siya kay DJ Mo. May kasabihan na the more you hate, the more you love.

Puwedeng ma-in love si Rufa Mae sa kanyang Showbiz Central co-host.

SEEN : Balik-taping na si Janno Gibbs sa Kakasa Ka Ba Sa Grade 5. Hindi niya dapat makalimutan ang leksyon na natutunan bunga ng kanyang tardiness.

SCENE  : Ang pagtatapat ni Claudine Barretto sa April 2009 issue ng Star Studio na third party ang ugat ng break-up nila ni Rico Yan noong 2002.

Ipinagtapat din ni Claudine na nahirapan siya na makuha ang approval ng pamilya ng nasirang aktor noong nagsisimula ang kanilang relasyon. “Ang daming mag-a-approve sa’yo. Pero pag na-approve ka na, you can feel naman their sincerity.”

SEEN : Ang galit na galit na acting ni Sylvia Sanchez sa TV remake ng Underage. Nagsusumamo sa acting award ang acting ni Sylvia.

SCENE : Dagdag publicity sa Dear Friend ang mga balita na crush ni JC Tiuseco si Katrina Halili. A press release is a press release.