Nationwide rating giharos sa ABS-CBN

Wala makabangbang ang Zorro sa May Bukas Pa nationwide, base sa primetime rating nga giluwatan sa TNS Media Research para niadtong March 23, sa gabii nga sultada:

May Bukas Pa (37%)  vs. Zorro (30.9%)

I Love Betty La Fea (37.7%)   vs.   Totoy Bato (28.2%)

Tayong Dalawa (35.1%)   vs.   Tadyang (23.3%)

SNN (19.9%)   vs.    Fated to Love (19%)

Sundo P18M ra

Gibana-banang P18 million kapin ang nahipos sa pelikulang Sundo starring Robin Padilla for GMA Films. Kini suma pa sa Box Office Mojo. Layo ra kaayo, itandi sa first week gross sa You Changed My Life P97,893,449.

Jose ug Wally mapasalamaton

Perteng pasalamat nila ni Jose Manalo ug Wally Bayola tungod sa taas nga pilot rating sa ilang show last Wednesday sa Bilib Ka Ba Nights? sa GMA 7, ang Wow Hayop (Animals are People Too!). 

Jessa ug Dingdong gihusay

Daling gihimakak ni Jessa Zaragoza ang blind item nga nagtumbok nila ni Dingdong Avanzado nga nagbuwag na. Matud ni Jessa wala siya masayod diin gikan ang maong taho sanglit bag-o lang sila nagsaulog sa ilang 8th wedding anniversary. Pero tinubdan sa PangMasa miingon nga diriyot gyud magkabuwag ang duruha kung wala pa sila mahusay sa ilang mga ginikanan.

Bea thankful wa panguyabi ni Loydie

Mapasalamaton si Bea Alonzo nga wala gyud misuway og panguyab niya si John Lloyd Cruz kaniadto. Kini tungod kay matud pa ni Bea, kung nagkauyab pa sila ni Loydie, unya magkaaway sila, maapektuhan ang ilang friendship.

Kiko wa sa kumingking ni Garduce

Wondering ang viewers sa Born To Be Wild nganong gihulipan si Romeo Garduce isip co-host ni Doc Ferds. Si Kiko Rustia, ang kanhi castaway sa Survivor Philippines maoy bag-ong co-host, ug matud pa mokaon pa og binakid nga bugas una niini matupngan ang achievement ni Garduce... Ryan Mark