Lasing na lasing na Bayani Agbayani nagwala, nagbanta na mamamaril?
MANILA, Philippines - SEEN : Thanks but no thanks ang message ni Joey de Leon sa YES Magazine. Kasali si Joey sa listahan ng 50 Most Powerful People in Showbiz ng YES Magazine ngunit hindi siya sang-ayon sa pangalan na nasa number one slot.
Hindi nagbanggit ng pangalan si Joey ngunit malinaw na si Willie Revillame ang kanyang tinutukoy.
SCENE : Ang Solar Sports pa rin ang media partner ni Manny Pacquiao dahil nagpalit ito ng isip. Walang ipinagkaiba si Manny kay Nicole, ang ‘rape victim’ ni Lance Corporal Daniel Smith na nagpalit din ng isip dahil nakonsensiya.
SEEN : Kakandidatong congressman si Manny Pacquiao sa distrito ng Gen. Santos sa susunod na taon. Nangangamba ang mga kababayan ni Manny. Mahirap maging kongresista ang isang tao na papalit-palit ng isip at walang respeto sa mga kontrata na pinipirmahan.
SCENE: Ang press release ng ABS-CBN na magpapakasal sa ibang babae si Ryan Agoncillo.
Sumasakay ang press release sa mga free publicity ng nalalapit na pagpapakasal nina Judy Ann Santos at Ryan Agoncillo dahil ikakasal ito sa ibang babae sa isang eksena ng Pieta.
SEEN : Direct to the point ang official statement ng ABS CBN tungkol sa desisyon ni Manny na igalang ang kontrata niya sa Solar Sports.
Hindi nagpaliguy-ligoy ang Kapamilya network.
Sanay at tanggap na nila ang ugali ni Manny.
SCENE : Ang binagong itsura ni Piolo Pascual sa Pinoy version ng Lovers in Paris.
Nag-mature ang mukha ni Piolo. Nabawasan ang kanyang X factor.
SEEN : Ang video sa Youtube ng pagwawala ng lasing na lalake sa harap ng isang bar sa Quezon City. Madilim ang video ngunit kaboses na kaboses ni Bayani Agbayani ang lalake na matindi ang pagmumura, pagbabanta at itutumba niya ang kalaban.
Malaking kasiraan sa career ni Bayani ang kanyang inasal.
SCENE : May bagong apo si Rosanna Roces dahil isinilang ng kanyang anak na si Grace ang second baby nito noong Biyernes.
Foreigner ang ama ng bata. Lalake ang panganay ni Grace at ng aktor na si Jolo Revilla.
- Latest
