Sharon-Gabby nagkita, naggakos

CEBU, Philippines - Tsika sa usa ka kasaligang tinubdan sa PangMasa nga nagkita na niadtong Lunes sila si Gabby Concepcion ug Sharon Cuneta. Suma pa nga tayming nag-taping si Sharon para sa iyang Sunday show, ug si Gabby didto pod sa ABS-CBN compound alang sa taping sa Station ID sa network. Tsika nga misulod si Gabby sa dressing room ni Sharon, ug nakit-an sila nga nag-gaksanay. Dunay mga nakakuha og hulagway sa maong eksena, matud pa.

Anne Curtis: Di ko buang oy!

Gihimakak ni Anne Curtis ang intriga nga duna siyay kahawok nga non-showbiz guys sulod sa usa ka sikat nga bar sa Makati niining bag-o lang. Suma pa ni Anne nga dili siya buang nga mubuhat og ingon niini, tungod kay duna siyay reputasyon nga giprotektahan. Gawas pa dili siya ingon niana nga matang sa babaye nga makighawok lang ni bisan kinsa, sa publiko pa gyud.

Gerald hurot ang savings

Nahurot matud pa ang kinitaan ni Gerald Anderson tungod sa iyang gipatukod nga dream house nga mahuman na sa katapusang bahin niining buwana. Pero niya pa, okay lang kay kung magsud-ong siya niini, mahanaw ang iyang kakapoy. Regalo ni Gerald sa iyang kaugalingon ang maong balay, diin 20th birthday niya niadtong March 7.

Jobelle Salvador balik TV

Gawas ni Gabby Concepcion mulugwa pod sa May Bukas Pa ang kanhi Bagets star nga si Jobelle Salvador. Magtiayon sila ni Gabby sa maong serye. Second project na kini ni Jobelle sa ABS-CBN, tungod kay apil pod siya sa Habang May Buhay serye ni Judy Ann Santos nga hapit na ipagawas. Under siya sa Genesis Management ug niya pa kung nindot gani ang feedback balik showbiz na gyud siya for good after 10 years of absence.

Marky gipulihan ni Aldred

Si Aldred Gatchalian maoy muhulip sa papel nga para unta ni Marky Cielo sa indie movie nga Bente, nga ubos sa direksyon sa banggiitan nga si Mel Chonglo. Si Jewel Mische maoy partner ni Aldred ug makauban pud niya sila si Jinggoy Estrada, Richard Gomez, Iza Calzado, Lani Mercado ug Ricky Davao.

Gabby sa Biyernes mulugwa

Malipayong gipaambitan ni Gabby Concepcion sa PangMasa kagahapon nga hapsay ang dagan sa iyang taping para sa May Bukas Pa. Si Gabo nga nanukad sa Bacolor Pampanga alang sa taping mipadayag ngadto sa PangMasa nga karong Friday na mulugwa ang ilang mga eksena ni Jobelle Salvador isip magtiayon sa nahisgutang serye.

Bodie Kapuso na!

Mulugwa na sa GMA-7 ang kanhi PBB housemate nga si Bodie Cruz. Apil siya sa Zorro starring Richard Gutierrez nga magsugod na karong March 23, sa primetime.

Kimerald dunay pelikula

Twice a month na lang mulugwa sila Gerald Anderson ug Kim Chui sa ASAP ’09 tungod kay ma-busy na man sila sa shooting sa ilang pelikula under Star Cinema. Si direk Cathy Garcia Molina maoy mubuhat niining wala pay titulo nga movie, ug sa July niining tuiga matud pa kini ipasalida.

Eddie balik TV

Balik telebisyon si Eddie Gutierrez human sa iyang operasyon sa kasingkasing. Apil si Eddie sa Zorro sa GMA-7 nga gibitoonan sa iyang anak nga si Richard Gutierrez ug apil pod ang laing anak niya nga si Elvis. Happy si Eddie tungod kay familiar kaayo siya sa story sa Zorro ug nindot pa gyud ang location nila sa Bagac, Bataan.

Kempee nanalaw ni Sheena?

Never ending ang intriga kalabot nila ni Kempee de Leon ug Sheena Halili busa may I ask ang mga himantayon unsa gyud ang real score nila. Dunay mga nangutana ngano nga nagduha-duha si Kempee og pangulitawo ni Sheena nga pareho man silang walay kabilanggan. Suma pa nga swerte kaayo si Kempoy kung mauyab niya si Sheena tungod kay gikan sa disente nga pamilya ang dalaga, ug dili igat.