Jackielou magri-retire na sa showbiz

Hanggang ngayon, ang dami pa ring pumupuri sa ginawang paghu-host ni Iza Calzado sa katatapos na Bb. Pilipinas beauty pageant. Ni minsan ay hindi ito nag-buckle at hindi dumepende sa teleprompters.

May sikreto si Iza kaya palagay ang loob niya sa kanyang trabaho. Nag-effort itong pumunta sa rehearsal para makilala ng husto ang mga kandidata. Nagbunga naman ng maganda ang kanyang ginawa, naging komportable siya sa kanyang kapaligiran, sa mga makakasama niya sa produksyon, ayun lumabas ng maganda ang kanyang hosting.

* * *

Umalis na ang first batch ng All About Eve papuntang Singapore. Sampung araw silang magti-taping sa bansang ito. Dapat kasabay na umalis si Sunshine Dizon, pero dahil marami pa itong tinatapos na gawain dito, kasama na ang pagpu-promote ng pelikulang Sundo ng GMA Films na kung saan ay tampok si Robin Padilla kaya susunod na lamang ito any day this week.

* * *

Ang dami na talagang fans ni Jennica Garcia at lahat sila nagtatanong kung bakit wala pa itong ginagawa sa GMA 7.Worried din sila na baka nagdadalamhati pa ito sa naging break-up daw nila ni Mark Escudero kaya hindi makatanggap ng project.

 Nag-break ba ang dalawa? May relasyon pala sila? Hindi ko alam yun ah!

 Anyways, cool lang kayong mga fans ni Jennica. May nilulutong project ang GMA 7 para sa kanya. ’Di pa lang pwedeng sabihin kung ano ito, pero meron, siguradong meron. Kaya relax lang kayo.

* * *

Tingnan mo nga naman at hindi nawawalan ng assignment si Jackielou Blanco. For a while kasi akala ko hindi na niya babalikan ang pag-aartista niya. Nawiwili na kasing mag-alaga ng kanyang mga anak. Pero since malalaki na rin ang mga anak nila ni Ricky Davao, nanghinayang naman ako kung itutuloy na niya ang pagreretiro niya. Masyado pang maaga, marami pa siyang maiaambag sa industriya. Sayang ang galing niya.

Matapos mang-inis sa La Lola, hindi ko pa alam kung mang-iinis din siya sa Ang Babaeng Hinugot sa Aking Tadyang. Lalabas siyang ina ng magkapatid na Marian Rivera at Mart Escudero. Dahil forte niya ang character acting baka kontrabida rin ang role niya rito.