Presidente ng fans club ni Gov. Vi pinatay!

Sa isang bagong open na bar ang tambayan ngayon ng wholesome actress. Bar na ang kini-cater ay madadatung lang at mangilan-ngilang pulitiko.

Inaabot umano ng madaling araw ang actress sa nasabing bar kasama ang barkada.

Actually, ‘pag wala kang datung, hindi ka talaga puwede sa nasabing bar dahil may bagong policy bago ka maka-enter ‘dun, kaya hindi ini-expect ng actress na may makakakita sa kanyang rumarampa sa nasabing bar.

Nagkataon lang na natiyempuhan siya dun ng isa kong friend na mahilig din sa bar.

Basta may pagka-wholesome ang actress na ito na loveless ngayon.

* * *

Hindi man lang nabalita ang tungkol sa pagpatay sa presidente ng fans club ni Vilma Santos na si Pedro Villanueva na incidentally ay tiyuhin ni Navotas City Mayor Toby Tiangco.

Imagine, hindi raw halos mabilang ng mga kamag-anak kung ilan ang saksak sa katawan ng solid Vilmanian na may edad na.

Ni wala man lang balita tungkol dito na lumabas sa radio, TV at dyaryo. Kung hindi pa nagpunta si Gov. Vi sa Navotas para makiramay sa pamilya ng pinatay at sa kuwento ni Mayor Toby, hindi pa namin malalaman.

Samantalang ang daming mga balitang wala namang katuturan. Minsan pati away ng mag-asawa, pinapatulan ng mga news programs. Pero heto ang isang karumal-dumal na krimen, ni katiting na balita walang lumabas.

Anyway, nakaka-impressed din si Ate Vi na personal niyang dinalaw ang kanyang die hard fan at binigyan ng financial assistance.

Pray namin na mabigyan ng justice ang nangyari kay Mr. Villanueva.

* * *

Uy happy birthday sa friend kong si Dony Valdeviezo ng Ethnic Home. Ang Ethnic Home ang distributor ng mga teakwood furnitures na ang gaganda, mura pa. Sa Indonesia galing ang mga furniture nila.

Try ninyong bisitahin ang showroom nila sa 9774 Kamagong St. corner Banuyo, San Antonio Village, Makati with telephone number 895-7733 at 896-1746.