JC nangandoy og peace of mind

CEBU, Philippines - Peace of mind ang birthday wish ni JC De Vera sa ika-23 nga tuig niyang natawhan karong Marso 10 human sa gubot nga panghitabo sa iyang career. Nasayran nga mibahad si Annabelle Rama nga duna siyay pabuthon karong March 14, inig expire sa kontrata ni JC sa GMA-7.

“Kissing issue” dili tinuod

Giklaro ni Carla Humphries nga wala sila maghawkanay ni Raymond Gutierrez, sukwahi sa gipakita sa TV Patrol World. Suma pa niya nga saba kaayo sa dance floor, busa kinahanglan nga magdug-ol gyud ang ilang mga nawong ni Raymond, kinsa suod niya nga higala ug anak sa iyang manager nga si Annabelle Rama.

Oyo ug Kristine way klaro

Dunay mga naglibog sa relasyon nila ni Kristine Hermosa ug Oyo Boy Sotto tungod kay matud pa, on and off. Pero gipaabot nga angkonon na nila nga sila na gyud human natin-aw nga walay kasal nga nahitabo tali nila ni Kristine ug Diether Ocampo.

Angel tapuk-ag mga laki sa ASAP!

Sila si Piolo Pascual, Jake Cuenca, Rayver Cruz, John Prats, Zanjoe Marudo, Vhong Navarro, John Lloyd Cruz, Jericho Rosales, Diether Ocampo ug ang uyab niini nga si Luis Manzano maoy mo-welcome ni Angel Locsin isip semi-regular co-host sa ASAP ’09 sugod ugma. Samtang sa March 27 na mulupad sila si Angel, Sam Milby ug Diether Ocampo sa Korea, alang sa My Only You, inay March 11.

EB here to stay!

Gihimakak ni Kempee de Leon ang tsika nga wagtangon na ang Eat Bulaga. Suma pa ni Kempee, dakong kataw-anan ug dugay na ang maong tsismis. Dugang pa niya imposibli kini nga mahitabo tungod kay nagpabiling lig-on ang EB sulod sa dul-an 30 na ka tuig. Ryan Mark