Kapit Bisig sa Ilog Pasig

MANILA, Philippines - Pinangunahan ng ABS-CBN Foundation ang pagkakaisa ng iba’t ibang sektor ng lipunan para muling buhayin ang Ilog Pasig sa loob ng pitong taon, sa pamamagitan ng kampanyang Kapit Bisig sa Ilog Pasig. Upang ipakita ang kanilang suporta, dumalo sa media launch ng Kapit Bisig sa Ilog Pasig sa Makati Park & Garden noong ika-24 ng Pebrero sina (L-R) Pasig River Rehabilitation Commission Executive Director Arch. Deogracias Tablan Jr., Quezon City Mayor Sonny Belmonte, ABS-CBN Foundation Managing Director Gina Lopez, Makati Mayor Jejomar Binay, Pasig City Mayor Robert Eusebio, ABS-CBN Foundation Board Member Doris Magsaysay-Ho, at MMDA Technical Consultant Martin Ongpin. Hinihimok ng grupo ang pribadong sektor na magbigay ng donasyon o kaya naman ay mag-boluntaryo para sa mga proyekto ng Kapit Bisig sa Ilog Pasig.