JC miangkon nga gihadlok ni Galvante

CEBU, Philippines - “No retreat no surrender” ang drama ni Annabelle Rama kagahapon sa iyang gipatawag nga emergency presscon. Mibahad si Annabelle nga iyang tangtangon ang tanan niyang talent gikan sa GMA-7 ug wala matud pa siya mahadlok sa mga abogado sa network. Gibarugan ni Annabelle nga gihadlok gyud ni Wilma Galvante si JC de Vera kalabot sa gitakdang pagbalhin niini sa ABS-CBN. Si JC miingon nga kung unsay version sa iyang manager, mao pud ang iyaha, ug maoy tinuod nga nahitabo.

Kahawok ni Raymond talent sa iyang mama

Mi-audition diay si Carla Humpries sa Zorro. Pwes, nahimong yawyaw pod ni Annabelle Rama ang maong hitabo tungod kay niya pa, wala dawata si Carla tungod kay nasayran nga siya na maoy bag-ong manager sa kanhi Star Magic talent. Si Carla ang gipakita sa usa ka video nga nakig-hawok ni Raymond Gutierrez sa dance floor.

SRO Cinema Serye

Nausab na ang titulo sa Obra sa GMA-7; nahimo na kini nga SRO Cinema Serye. Ang unang presentasyon bidahan nila ni Geoff Eigenman, Marvin Agustin ug Sheryl Cruz. Ang istorya niini magtuyok sa usa ka pamilya diin inahan ni Geoff si Sheryl ug mamahimo niining step father si Marvin.

Baron dismayado sa nega publicity

Dismayado si Baron Geisler sa migawas sa usa ka mantalaan nga nangandam na siya aron magpa-rehab. Suma pa sa Star Magic walay gipamamulong nga ingon niini ang character actor, kundili miingon kini nga makigtagbo sa iyang spiritual adviser alang sa counseling

Luna Mystica finale

Matapos na karong gabii ang Luna Mystica nga gibidahan nila ni   Mark Anthony Fernandez ug Heart Evangelista. Matud pa ni Mark nga angay gyud atngan ang katapusan nga hugna niini sanglit dunay daku nga panghitabo nga sigurado’ng dili gyud pagamahayan sa mga mananan-aw.

Money matters gyud?

Walay hunong ang mga intriga nga ‘kwarta” gyud matud pa ang hinungdan nganong nagbuwag sila si Pops Fernandez ug Jomari Yllana. Kini bisan og gihimakak na kini ni Jom tungod kay “irreconcilable differences” matud pa ang rason. Ryan Mark