Aga type ni Angel nga ma-partner
CEBU, Philippines - Bisan pa man sa gidaghanun na sa nakapareha ni Angel Locsin nga mga banggiitang aktor, gibutyag sa dalagang actress nga nangandoy usab siya nga makauban sila si Aga Muhlach, Jhon Lloyd Cruz ug Jericho Rosales. Matud pa niya nga high level na paminawon kung makauban sa usa ka proyekto si Aga.
Samtang giangkon usab sa dalaga nga andam na siya nga magminyo inig pangedaron niya og 28 anyos, apan iyang gitino nga kinahanglan nga andam na gyud siya anang panahona una musolud sa sakramento sa kaminyoon.
P50K ni Boy2 Quizon gisakiyo sa mga kawatan
Nabiktima sa pagpangawat si Boy2 Quizon sa Basag-Kotse Gang niadtong Sabado sa Sucat Road, Parañaque City uban ang iyang girlfriend sa usa ka-gym diin ilang gi-grahi ang iyang Ford Expedition nga sakyanan sa nahisgutan nga dapit.
Gibana-bana’ng dul-an sa P50,000 pesos ang nakuha sa mga suspetsado, lakip na ang cellphones, ug passport sa batan-ong aktor.
Matud pa ni Boy2 nga ila ra nga gi-park ang iyang sakyanan og mga duha ka oras, apan pagbalik nila, nabuak na ang bintana niini ug nahanaw na ang ilang mga gamit ug kwarta.
Christine ug Angelica walay gap
Gihimakak ni Christine Reyes ang mga hungihong nga nag-ingon nga aduna sila’y “gap” ni Angelica Panganiban gumikan sa pagbalibad niini nga mamahimo nga kontrabida sa paga-bidahan nga serye sa nauwahi. Matud pa ni Christine nga dili tinuod ang maong tsismis, gani close sila ni Angelica ilabi na kay kauban sila sa usa ka show ug walay problema tali nilang duha.
- Latest
