Sakyanan ni Jake na-tripan

Gipa-uwanan og bala ang Ford Expedition ni Jake Cuenca nga gi-park atubangan mismo sa ilang panimalay sa Mandaluyong City kagahapon sa kadlawon.

Nagduda ang mga pulis nga gi-bato usab ang windshield sanglit gawas sa napalgang kabhang sa .45 caliber nga bala, nakuha usab sa sulod niini ang tulo ka mga bato.

Matud pa ni Jake nga alas-singko sa buntag nakamata sila. Nakadungog og kasikas ug buto sa pusil ang kauban niya sa panimalay apan gibalewala lang kini ug wala maghuna-huna og dautan. Unang nakamata ang iyang sister-in-law nga si Leah tungod sa tawag sa telepono nga nagpahibawo nga daghan og tawo nga miusyoso sa sakyanan ni Jake dayon tan-aw kang Jake kung anaa kini sa iyang kwarto.

“So, wala talaga, e. Mas naiisip ko at kahit din naman yung mga pulis na rumesponde na baka may nag-away lang sa labas or may gulo. Ang nangyari, puwedeng hindi sinasadya or ang napuntirya yung sasakyan dahil yun yung nakaparada sa labas,” asoy sa aktor.

Alas-dos na sa kadlawon nakauli si Jake gikan sa usa ka meeting, duha ka oras na siya sa balay samtang natulog dihang nahitabo ang insidente. Sayop matud pa sa drayber ni Jake nga gi-park lang ang sakyanan sa gawas sanglit nagtuo pod kini nga sayo ang call time sa aktor alang sa taping sa Tayong Dalawa.