Empress gilinyahan og proyekto

Gipanglantawan nga mosulbong ang showbiz career ni Empress Shuck gumikan sa nagbaha niini nga mga proyekto sulod karong tuiga. Gawas sa hugyaw niya nga appearance karon sa Parekoy, bag-ohay lang usab nahitabo ang story conference alang sa ikaduha niya nga indie film nga Pasang Krus. Makauban niya sa maong proyekto sila si Rosanna Roces, Ketchup Eusebio, Joross Gamboa, Christian Burke ug BJ Morales.

Gikataho usab nga siya maoy modala sa papel niadto ni Maricel Soriano alang sa TV remake sa Underage (80’s classical movie) sa ABS-CBN .

Samtang nalakip usab siya sa cast   sa usa ka proyekto nga subling paresan nila ni Jericho Rosales ug Kristine Hermosa. 

LT nag-atang og hugyaw nga istorya sa MMK

Nagpaabot na lang karon si Lorna Tolentino og nindot nga istorya alang sa paglugwa niya sa usa ka episode sa Maalaala Mo Kaya. Uba-ubay na ka mga script ang gipadala ngadto kang Lorna pero wala kini makapasar sa iyang taste.   “ Kung aapir si Lorna sa MMK, markadong role ang gusto niya para hindi ito malimutan ng fans. Maalaala Mo Kaya nga ang title debah?,” dalikyat pa sa manager sa aktres nga si Manay Lolit Solis.  

Melissa mi-deny sa “ligawan issue”

Gihimikak ni Melissa Ricks ang balita nga dunay nanguyab kaniya nga kauban ra pud niya sa ASAP ’09 sa Dos.  Kahinumduman nga mikatap ang istorya nga kanunay siya padalhan og buwak sa set sa maong show. Butyag pa sa aktres nga close lang niya ang tanang male stars sa ASAP busa dili kini angay intrigahon.

Johnny‘s health update

Mapahiyumon nga gibalita ni   Johnny Delgado   nga  mayoriya sa cancer cells nga nitakboy sa iyang lawas ang nawala na . “I’m responding well and I’m doing okay,” matud pa ni Johnny. Dugang pa niya nga iyang gipasalamatan ang Kahitas-an sa milagro nga iyang nadawat.