Anne mas feel mobakasyon kung walay BF nga ikauban

Bisan loveless, nagmalipayon lang gihapon sa iyang kinabuhi ang sikat nga young actress nga si Anne Curtis gumikan sa ka-stable sa iyang showbiz career. Human sa kalampusan sa iyang fantaseryeng Dyosa, atimanon na usab sa aktres ang seryeng The Wedding diin iyang ma-partner sila si Derek Ramsay ug Zanjoe Marudo.

Plano ni Anne nga mobakasyon karong summer sa Europe partikular na sa Barcelona ug Madrid uban sa iyang mga suod nga higala .

Dugang pa sa aktres nga nindot ibakasyon kung walay boyfriend kay walay mopugong kaniya sa buot niya nga buhaton.

Rafael nahadlok na  mahigugma

Mitingog na si Rafael Rosell human sa iyang pagpakahilom   kabahin sa panagbuwag nila sa iyang girlfriend nga si Malaya Lewandowski. Dili niya madetalye ang hinungdan niini gumikan kay gusto nila nga magpabilin ang ilang privacy kabahin sa maong sitwasyon.

"I'm okay naman. It's true, iniyakan ko ang paghihiwalay namin ni Malaya, pero gaya sa nagawa kong pagpapaka-private ng relationship namin, kahit alam na ng mga tao na tapos na ang relasyon namin, I can't just talk about the details,” butyag pa sa aktor ngadto sa PEP.

Sa laing bahin, gi-deny sa actor nga nag-date sila ni LJ Moreno niadtong Valentines Day . Matud pa sa aktor nga kung makit-an man sila nga magkuyog sa aktres kay wala kini malisya gumikan kay managhigala man sila niini.

Dugang pa ni Rafael nga dili pa siya andam nga mosulod og bag-ong relasyon .

"Kahit paano, na-realize ko na mas magandang huwag muna akong magseryoso sa pag-ibig, and give more time sa iba pang bagay, which I found out, nae-enjoy ko naman kahit loveless ako,” matud pa niini.

Jommy Teotico maoy nahimong “El Ultimo Participante”

Human sa pipila ka hugyaw nga mga challenges, si Jommy Teotico maoy nahimong grand winner sa   “Pinoy Fear Factor: Argentina, South America” sa ABS-CBN    nga mitapos niadtong Biyernes sa gabii. Ang   24-anyos nga modelo milangkat sa premyo nga P2 million, house and lot ug sa titulong "El Ultimo Participante" human iyang gilupig si Janna Dominguez sa "Car Roll Over" challenge. Gipakita og maayo ni Jommy ang iyang kahanas sa pag-drive og sakyanan sa makuyaw nga sitwasyon busa nagmadaugon gayud siya sa   final challenge.

Temptation Island gibawi sa Regal

Gikataho nga gibawi og balik sa Regal Films gikan sa ABS-CBN   ang rights sa   Temptation Island (80’s classical movie) gumikan kay duna sila’y remake niini. Butyag pa ni Roselle Monteverde-Teo nga maayo ang nahimo nila nga kasabotan sa ABS-CBN sa pagbawi niini ug iya kining gihangop. Kung kahunumduman, himoan unta og TV version sa Dos ang nahisgutang pelikula. Pwes, ang nahisgutang balita posibleng ika-ningning ni Niña Jose nga mao unta ang lead star sa planong TV adaptation niini.

Kiko na-pressure sa Born To Be Wild

Giangkon sa former castaway sa Survivor Philippines Season 1 Kiko Rustia nga medyo na- pressure siya sa pagkalakip niya sa programang Born To Be Wild sa GMA-7 isip co-host ni Doc Ferds Recio. Gihulipan ni Kiko si Romy Garduce kinsa mi-resign sa maong show. Wala magdahom si Kiko nga siya maoy mapilian sa GMA-7 busa iyang paningkamotan nga matarong niya og maayo ang iyang trabaho kay dili niya usikan ang maayong oportunidad nga gihatag kaniya sa iyang mother network.

Lovi-Aljur team-up gipanglantawan

Gikatahong nagbaha sa mga nagkadaiyang internet forum ang mga mensahe sa fans ni Lovi Poe. Pipila sa mga fans sa aktres miingon nga mas-feel nila si   Aljur Abrenica nga maoy ipares sa ilang idolo. Pero tubag pa sa aktres nga wala siya’y problema nga magka-partner sila ni Aljur sa mga proyekto apan nag-agad ra pud siya sa desisyon sa GMA-7.