Kakaibang Inspirasyon Ng Pag-Ibig

MANILA, Philippines - Kakaibang saya at inspirasyon ang kadalasang hatid ng pag-ibig. At sa Life and Style with Ricky Reyes sa QTV-11 ngayong Linggo mula alas-diyes hanggang alas-onse ng umaga’y may mga popular na bisita na magtsitsika tungkol sa kanilang ‘other love’ dahil ’di ito damdamin para sa kapwa-tao kundi sa mga ibang bagay.

Sa interbyu ng host-producer na si Ricky Reyes ay malalaman ninyong ang other love ng actress-TV host na si Angel Aquino ay si Mother Nature kaya ngayo’y kasapi siya sa Green Peace Organization. Pusa naman ang kay Drew Arellano na isa sa mga hosts ng Unang Hirit tuwing umaga sa GMA 7. Mga pasyenteng hayop, lalo na ang mga aso, ang mahal ng beterinaryong si Edwin Zalagoste.

Makakatikim naman ng magic ng Gandang Ricky Reyes make over ang singer-actress na si Mimi Rodellas sa Great Hair Day portion.