Kuwento ng aswang at dwende sa 700 Club

MANILA, Philippines - Totoo talaga ang mga aswang, dwende, kapre, tiyanak at ibang lamang-lupa.

Ito ang idinidiin ng isang testigo na nagsabing nakakita siya at naging kaibigan ng mga aswang, dwende, kapre, tikbalang at tiyanak.

Nakipamuhay din daw siya sa mga lamang-lupang ito at sinapian pa siya ng ilan sa mga ito.

Kaugnay nito, mula nung Biyernes sa 700 Club Asia, mapapanood ang special series hinggil sa naturang mga nilalang.

Itinampok ang mga dwende na tinatawag na Goblin o Gremlins sa Europe. Ipinakita rito ang kuwento ni Liezel na kinaibigan ng mga dwende na nagsilbi pa sa kanya ng kape at nagbigay sa kanya ng pera at mga regalo.

Host ng show sina Peter Kairuz, Coney Reyes, Felichi Pangilinan Buizon, Kata Inocencio, at Maricel Pangilinan mula Lunes hanggang Biyernes, alas 11 p.m. sa Q Channel 11.