JC de Vera Kapamilya na?

CEBU, Philippines - Si JC de Vera matud pa ang gipasabot nga Kapuso talent nga huwaman ni Judy Ann Santos alang sa iyang serye Humiling Ako Sa Langit. Kini tungod kay sa March na diay mo-expire ang kontrata ni JC sa Kapuso network, ug wala pay gikatahong follow-up project human sa Lalola. Ang tsika nga nasagap sa Banat Hugyaw mao nga gawas sa serye ni Juday ipares matud pa ang young actor kang Shaina Magdayao alang sa project niini. Dunay mga nagduda nga si JC ang pasabot sa bag-ong Kapamilya talent nga ipaila sa ASAP’09 karong Domingo. Kahinumduman nga niadtong 2006, mitekang na si JC sa ASAP kauban ni Nicole Anderson, human gisapot ang iyang manager nga si Annabelle Rama human walay project ang young actor sa GMA-7, gawas lang sa SOP niadtong panahona.

Dennis gibalibaran ni Heart

Dili una mahinayon ang Sine Novela nga pagabituonan unta nila ni Heart Evangelista ug Dennis Trillo. Ang migawas nga taho mao nga dili musugot ang manager ni Heart nga si Annabelle Rama nga ibutang sa afternoon slot ang dalaga, primetime ang ilang gusto.

Hero nakadayeg ni Mark ug Jen

Giangkon ni Hero Angeles nga naguol gyud siya human nabungkag ang love team nila kaniadto ni Sandara Park sa ABS-CBN. Tungod niadto nawad-an siya og trabaho, inay padung na unta silang duha nga musulbong. Karon kumportable na kaayo si Hero sa GMA7, kauban pa niya sila si Mark Herras ug Heart Evangelista sa “Paano Ba Ang Mangarap?, kinsa iyang gihulagway nga mga down-to-earth. Tigi kaniadto ang tulo atol sa Star Circle Quest vs. Starstruck.

JC naguol pa sa break-up

Apektado pa gihapon si JC Tiuseco sa panagbuwag niya ug sa iyang girlfriend nga abogada ug nagtrabaho sa buhatan ni Senator Miguel Zubiri. Lima sila ka tuig nga manag-uyab, apan kinahanglan nga talikdan kini niya tungod sa kadaghan na niya og showbiz commitments.