BB ginaya si Carmina sa pictorial; Awards Night nalaos na
Hindi na ako nakapunta sa meeting ng PAMI noong Miyerkules dahil mas pinili ko na magpahinga sa bahay dahil pinaghandaan ko ang drug-testing kahapon sa Camp Crame ng mga artista ng GMA 7.
Miyerkules pa lang, ipinadala na sa akin ang listahan ng mga young stars ng GMA Artist Center na kusang-loob na nagpasuri ng dugo para mapatunayan na hindi sila gumagamit ng mga ipinagbabawal na gamot.
Sinu-sino ang mga nasa listahan? Sina Rainier Castillo, Mark Herras, Ryza Cenon, Paulo Avelino, Kevin Santos, Iwa Moto, Gino dela Peña, Prince Stefan, Kaye Alipio at Victor Aliwalas.
Huwag n’yo nang itanong sa akin kung sino si Kaye dahil hindi ko rin kilala. Medyo pamilyar pa ako kay Gino dahil siya ang bidang lalaki sa Ang Huling El Bimbo commercial ng McDonald’s. Contract star ng Artist Center si Gino bago pa nito ginawa ang cute na commercial. Ibang-iba ang itsura ni Gino sa personal at sa TV ad na ating napapanood.
* * *
Laos kay BB Gandanghari ang mga nanglalait sa kanya dahil magandang-maganda siya sa pictorial na nakita ko!
I’m sure, lalong kaiinggitan si BB ng mga baklitang ginagamit siya para magkaroon ng libreng publicity.
Kamukhang-kamukha ni BB sa pictorial ang kanyang ex-dyowa na si Carmina Villarroel.
Sa totoo lang, puwedeng-puwede sila na mapagkamalan na magkapatid o twins. Tanggap na tanggap na ni Carmina ang bagong katauhan ng kanyang dating asawa.
Pero sure ako na shocked pa rin si Carmina kapag napapanood niya sa TV na mas babae pa sa kanya si BB.
Magandang pagsamahin sa isang fashion pictorial sina BB at Carmina. Ang tanong, papayag ba si Carmina?
* * *
Nabasa ko na lang sa mga diyaryo ang awards night ng Luna Awards sa Gateway Mall.
Alam ko na host si Lorna Tolentino pero hindi ko ine-expect na parang inilihim sa publiko ang awards night ng award-giving body ng Film Academy of the Philippines.
Nawala na talaga ang glitter and glamour ng awards night, lalo na ngayon na puro indie movies ang namamayagpag.
Si Paolo Contis ang nag-win ng best actor trophy para sa pelikulang Banal. Dedicated ni Paolo ang trophy sa kanyang madir at sa girlfriend na si Lian Paz.
Mukhang si Lian na nga ang girl na pakakasalan ni Paolo dahil in love na in love ito. Dinedma ni Paolo ang ibang friends niya na hindi boto kay Lian. Ganyan siya ka-passionate sa kanyang lovelife.
* * *
Magagaling na mga artista sina Dominic at Felix Roco dahil nagmana sila sa kanilang tatay na si Bembol.
Sayang kung hindi sila mabibigyan ng break. Maraming mga bagong show na uumpisahan ang GMA 7 at sana maisip ng mga executive produ na isama sa cast ang kambal ni Bembol.
Proper break at project ang hinihintay nina Dominic at Felix. Kung mabibigyan sila ng primetime TV show, tiyak na lalong mapapansin ang galing nila sa pag-arte. Para que pa’t naging anak sila ni Bembol?
Maraming mga artista ng Artist Center ang malaki ang potensyal na sumikat. Waiting lamang sila na mapansin. Sa tagal ng paghihintay nila, sure ako na pagbubutihin nila ang trabaho kapag nabigyan sila ng mga regular TV shows.
- Latest
