Kapuso stars magpa-drug test

CEBU, Philippines - Magbaha sa Camp Crame ang mga Kapuso stars karong adlawa tungod kay mupailawom sila sa voluntary drug test, diin mismong si DILG Secretary Ronnie Puno maoy mo-testigo. Mag-una sila si Mark Herras, Aljur Abrenica ug Iwa Moto, aron matud pa mahibaw-an na gyud kinsay tinuod nga drug user.

John-Sarah movie daghag bag-o

Daghan matud pa og angay atangan ang mga fans nila ni Sarah Geronimo ug John Lloyd Cruz sa You Changed My Life. Una, na-promote na si Laida gikan sa pagka-editorial assistant ngadto sa pagka account executive. Mulugwa ang ka-triangle nila nga si Rayver Cruz, kinsa “kababata” ni Laida ang papel. Labaw sa tanan kung gipasikat ni Laida ang rain dance, karon duna na pud matud pay bag-ong ipaila si Laida nga angay atangan.

Melissa ug Robi nay pareson

Out na si Matt Evans sa mini-series nga Under-age nga bitoonan nila ni Empress Schuck, Lauren Young ug Melissa Ricks. Tsika sa PangMasa kinahanglan na nga mag-andam ni Matt para sa The Return of Pedro Penduko busa gipulihan siya ni Robi Dominggo. Si Rafael Rosell maoy pares ni Empress ug si Lauren ug AJ Perez. Kini maoy muhulip sa Your Song Presents Feb-ibig ug mulugwa matud pa karong Marso. Remake ni sa pelikula sa Regal Films kaniadto diin bida sila si Snooky, Maricel Soriano ug Dina Bonnevie.

Florinda di na pod madayon?

Dili matud pa makalugwa karong buwana ang Florinda ni Maricel Soriano sa primetime sa ABS-CBN. Wala pay gihatag nga rason nganong dili na pud mahinayon.

Kian nasakitan ni Christine

Nasakitan matud pa si Kian Kazemi sa reaksyon ni Christine Reyes kinsa wala makauyon sa pagpada sa ulitawo og buwak ngadto niya. Matud ni Christine wala siya makaangay nga gipanabi ni Kian ngadto sa press ang pagpadala niini og mga buwak. Pero matud sa kampo ni Kian, wala gyud manabi ang ulitawo, natayming lang nga gipalugwa sa Star Magic sa usa ka presscon ang ulitawo, ug didto kini napangutana ug igo lang mitubag.

Rich nanganti og korona

Wala unay mga guesting ug projects si Rich Asuncion sa GMA-7 aron maka-concentrate siya sa iyang panganti nga makadaug og titulo sa Bb. Pilipinas. Early favorite si Rich pero matud sa beteranang kolumnista sa PangMasa manay Lolit Solis dili gyud angay magkumpyansa ang Boholana aron makakuha gyud siya og korona sa labing prestihiyosong indigay sa kaanyag sa Pilipinas.

Angelica nausab na

Nausab na ang baruganan ni Angelica Panganiban kalabot sa ilang relasyon ni Derek Ramsay. Kini tungod kay niya pa dili na sila buot pa nga paambitan sa publiko unsay nahitabo nila tungod kay dili for sale ang ilang relasyon. Kini kay niya pa, daghan matud pa kaayo ang buot mosumsum bisan wala makahibaw unsay tinuod. Samtang si Angelica matud pa maoy modala sa papel nga Rubi, diin bida-kontrabida siya ug duna pud siyay pelikula kauban si Derek ug Gabby Concepcion.

Jennylyn wala na maglagot ni Patrick

Wala na matud pay kalagot si Jennylyn Mercado kang Patrick Garcia tungod kay niya pa dili maayo nga magtanom og pagdumot. Suma pa niya nga kung magkasugat sila ni Patrick, okay na gyud siya. Pero lihay gihapon si Jen nga hisgutan ang ilang anak nga si Jazz.

When I Met You gilinyahan

Nagmaya matud pa ang GMA Films kagahapon tungod kay gilinyahan ang When I Met You nila ni KC Concepcion ug Richard Gutierrez, positibo matud pa ang resulta niini sa takilya. Wala pa lang hinuoy figure nga gihatag pilay first day gross sa maong pelikula.

Mega Manila Napul-An Na Ni Marian?

Angay na gyud matud pa mabalaka si Marian Rivera tungod kay dili na pabor ngadto niya ang dagan sa ratings game bisan sa Mega Manila. Kini maoy pamahayag sa kolumnista sa PangMasa nga si Ed de Leon.

Kini tungod kay niadtong Biyernes ang Lalola ni Rhian Ramos maoy nag-una, gisundan sa Luna Mystika ug ikatulo lamang ang “Ang Babaing Hinugot Sa Aking Tadyang” nila ni Marian ug Dingdong Dantes. Kini bisan pa man matud pa og gituyok sa duruha ang tanang shows sa GMA-7 aron pag-promote sa maong serye.

“Alam ninyo, ganyan ang karaniwang nangyayari sa mga artista. Basta bago at nabigyan ng magandang build up, sisibat papataas ang popularidad niyan pero pagkatapos ng ilang panahon, kung naghahanap na ng tunay na acting ang mga tao, o kaya naman ay may nakita silang mga baguhan na mas exciting sa paningin nila, bumababa na ang popularidad noong mga datihan hanggang sa umabot sa wala na ang popularidad nila. Kahit na ano pang hype ang gawin mo, wala na rin.

Ngayon, manggagaling si Richard Gutierrez sa isang malakas na pelikula at si Rhian naman sa malakas niyang serye, bigla pang pinagsama sa isang bagong serye. Saan kaya dadamputin ang serye ni Marian ngayon?,” opinion ni de Leon.