Karylle dili manginlabot sa Dong-Yan

Tsika pa ni Karylle   no reaction siya kabahin sa gipakitang sweetness karon sa usag-usa sa kanhi niya boyfriend nga si Dingdong Dantes ug Marian Rivera. Dugang pa ni Krylle nga pila na kahigayon nga magkasugat sila ni Dingdong ug hi and hello na lang sila kutob. Dili pa sad siya andam sa pagka-karon nga mosulod og bag-ong relasyon. Sa laing bahin ,wala motou si Karylle sa tsismis nga ang iyang nawong maoy wallpaper sa cellphone ni Jericho Rosales. Samtang sa February 15, makauban ni Karylle si Christian Bautista sa Your Song sa ABS-CBN.

Dennis intEresado sa indie film

Hapit na mahuman ang telefantasya ni Dennis Trillo sa GMA-7 nga Gagambino busa mobakasyon siya og pipila ka adlaw sa dili pa niya sugdan ang   taping sa bag-o niya nga Sine Novela nga Muling Buksan ang Puso uban nila ni Heart Evangelista ug Nadine Samonte. Samtang gipadayag ni Dennis nga intresado usab siya nga mamahimong cast sa mga indie films kay nindotan siya sa mga estilo sa istorya niini.

Status: Single mikita og P25M for 5 days

Malipayon ang sexy star nga si Rufa Mae Quinto gumikan sa pagka-hit sa takilya sa iyang pelikula nga Status: Single busa nagpasiugda dayon siya og thanksgiving party alang sa mga press . Gikataho nga sa lima lang ka adlaw sa pagpasalida niini kay kapin na sa P25 million ang kita niini didto sa Metro Manila , wala pa’y labot sa kita sa nagkadaiyang probinsiya.

Way palabwanay sa Ruffa and Ai

Gipadayag ni Ai-ai delas Alas nga dili mahitabo nga maglinabwanay sila ni Ruffa Gutierez sa umaabot nga bag-o nila nga show sa ABS-CBN nga Ruffa and I nga maoy mohulip sa Boy and Kris. Dugang usab niya nga wala sila problema sa billing. Samtang gipangandaman na usab niya ang umaabot niya nga pelikula diin iyang makauban si Sharon Cuneta. .

Jean mi-deny nga iyang uyab ang ex ni Sunhine

Gipadayag ni Jean Garcia nga dili sila uyab sa businessman nga si Jojo Manlongat kinsa na-link niadto nila ni Angelu de Leon, Pops Fernandez, Rufa Mae Quinto, ug   ex usab sa iyang kauban sa All About Eve nga si Sunshine Dizon. Giangkon hinoun niya nga nagka-date na sila sa maong negosyante pero wala gyu’y nahitabo nga espesyal nga relasyon tali nilang duha. Giklaro niya nga bisan ex kini ni Sunshine kay dili siya kiwawan nga makauban sa set ang aktres.

Direk Reyes nabalaka sa krisis

Matud pa ni Jose Javier Reyes nga iya gayud nga gitigoman aron mahimo niya ang iyang plano nga indie film. Ug nagpasalamat siya nga duna na’y pipila ka mga artista ang mingdoul kaniya nga willing mo-partcipate sa iyang proyekto. Samtang nabalaka karon ang direktor sa nahitabong krisis karon sa kalibutan kay basin mo-cutdown sa ilang advertising costs ang mga kompanya ug seguradong maapektuhan gayud ang mga networks niini nga mo-resulta sa pagkaminos na lang sa mga trabaho sa artista. -Sanden J. Anadia