Christine di na sukton si Ara

Giklaro ni Christine nga wala niya giisip nga utang nga angayang bayran sa iyang maguwang nga si Ara Mina ang P1.8M nga gihuwaman sa iyang ate niya sanglit bokal man sa iyang kabubut-on ang pagtabang sa iyang kapamilya. Niadto si Ara lang ang breadwinner sa ilang pamilya ug karon malipayon siya nga duha na silang misagubang niini. Ang kwarta gigamit ni Ara sa pag-produce niya sa pelikulang “Ate” nga launching movie ni Christine.

Ai-Ai Excited Sa Bag-Ong Show

Mopahigayon og pre-Valentine show si Ai-ai delas Alas karong Pebrero 13 sa gipanag-iya niyang Ai Sarap Resto Bar. Matud pa usa kini sa biggest concert niya. “Major concert, pero 150 lang ang capacity. Nakakaloka, biggest concert, ninenerbyos ako, baka hindi ko mapuno. Pressured na pressured ako, ha,” butyag ni Ai-ai ngadto sa entertainment press lakip na ang PangMasa. Sa laing bahin, excited na ang Comedy Concert Queen sa pagaubanan nilang bag-ong show ni Ruffa Gutierrez, ang Ruffa and Ai nga mohulip sa Boy & Kris.

Jean Nakugang Sa Taho Labot Ni Jennica

Nakurat si Jean Garcia sa nadungog niyang tsismis nga buwag na ang iyang anak nga si Jennica ug si Mart Escudero sanglit wala man maghisgot ang iyang anak bahin niini ug kanunay pod magbisitahan si Mart sa ilang panimalay.    “As far as I know, wala naman silang problema. Mga bata naman ang mga ‘yan, eh. Baka naman mga away-bati lang siguro ‘yan. Dumaan din ako sa stage na ‘yan kasi kaya maiintindihan ko ang pinagdaraanan ng mga bagets ngayon,” tsika pa ni Jean ngadto sa PangMasa. Nasayran nga nagsugod na diay ang taping nila ni Jean sa “All About Eve” diin makauban niya sila si Richard Gomez, Iza Calzado, Sunshine Dizon, Mark Anthony Fernandez ug Eula Valdez.