Love, sex, infidelity, etc.

May katotohanan ba ang kasabihang kapag may problemang pinansyal sa isang tahana’y kakabit nito pati relasyon ng mag-asawa?

Sa Life and Style with Ricky Reyes ngayong Linggo sa QTV-11, alas-diyes hanggang alas-onse ng umaga’y makakatsikahan sa ere ng host-producer na si Mother Ricky ang tatlong matatalinong babae na magbibigay ng kani-kanilang kuro-kuro tungkol sa love, sex, infidelity, break up at starting over sa ganitong panahong bagsak ang ekonomiya.

Sila’y sina Dr. Margarita Holmes (kilalang psychiatrist), Shy Ugarte ng Mega Magazine at Bianca Consunji.

Abangan naman sa Good News TESDA ang pagsasadula ng buhay ni Nicolas Libres na chef ng Camiguin Island Resort.

Kung kailangan naman ninyo ang karagdagang pera ay tutukan ang Technology, Resource and Livelihood trainor na si Ms. Haidee Panghilason na magdedemo sa ere ng paggawa ng liquid dishwashing agent sa Ka-Q How To.