Pop Star makig-date ni Rayver

Matud pa ni Sarah Geronimo nga komportable na ang iyang feeling kung magkakita sila ni Rayver Cruz kinsa unang mi-claim nga dunay crush sa pop star. Samtang daghan ang nahugyaw kang Sarah dihang miingon kini nga kung pananglitan imbitahon siya ni Rayver og Valentine’s date kinahanglan nga mananghid pa siya sa iyang mommy.

“Kailangan po sigurong humingi siya ng permiso sa parents ko. Ano ba ang ginagawa pag-date, kumakain lang. Wala naman sigurong masama du’n pero tatanungin ko po muna si mommy kung papayagan ako. Kung hindi, okay lang, naiintindihan ko,” lenggua ni Sarah ngadto sa PangMasa atol sa presscon sa Careline Cosmetics diin gipaila ang pop star isip labing bag-ong endorser.

Rhian na-in-love ni Mark

Gikakugang ni Mark Herras ang tsika nga siya ang nagpasiatab og istorya nga nagkauyab sila ni Rhian Ramos og upat ka buwan. “Bakit ko naman sasabihin iyon? E, wala naman talaga kaming naging relasyon ni Rhian. Oo, at magkaibigan kami, pero hanggang doon lang. Wala kaming naging relasyon.,” matud pa sa actor ngadto sa PEP. Pero ang tsika pa sa beteranang kolumnista sa PangMasa manay Lolit Solis nga mihilak si Rhian ngadto sa mga reporters niadtong Biyernes human kini miangkon nga na-inlove siya ni Mark.

Kian dili maghubo

Gibutyag sa kanhi   Pinoy Big Brother housemate nga si   Kian Kazemi nga dili pa siya andam nga mohimo og daring nga mga roles. Bisan pa man sa iyang shower scene sa Tayong Dalawa wala lang gihapon siya’y plano nga maghubo sa atubangan sa kamera busa dili pa siya andam nga modawat og mga indie movie nga dunay tema nga bold .

Toni laos na?

Lenggua pa sa  Careline Beauty Spokesperson and Business Development Manager nga si Ms. Christine Gabriel duna sila’y bag-ong endorser sa ilang produkto ug kini mao si Sarah Geronimo. Matud pa ni Ms. Christine nga ilang gipili si Sarah gumikan kay target nila ang mga teenagers busa ilang gipulihan si Toni Gonzaga (kanhi endorser sa maong produkto)  kay mature naman ang image niini .Ma-expire na ang kontrata ni Toni karong August 2009. Hinoun giklaro niya nga normal lang nga mag-ilis sila og endorser. Pero giklaro sa management ngadto sa PangMasa nga dakong achievement na para ni Toni nga muabot og tulo ka tuig isip endorser sanglit matag unom ngadto sa usa ka tuig lang mulungtad ang mga endorsers sa maong cosmetic brand. Gisalikway sa management ang intriga nga gihulipan si Toni tungod kay “laos” na kini.