Angelu nakighawok sa "manghod" sa uyab
Nahugyaw ang kadaghanan sa dihang nasayran ang kissing scene nila ni Angelu de Leon ug ang kanhi bagets niini nga kauban sa TGIS (Thank God Its Sabado) nga si Dingdong Dantes sa bag-o niini nga drama series ubos sa GMA 7 nga giuloha’ng “Ang Babaeng Hinugot sa Aking Tadyang.
Wala usab makatuo si Angelu sa maong eksena sanglit batan-on pa si Dingdong sa dihang nagkakuyog sila sa usa ka show niadto. Milugwa kaniadto si Dingdong isip manghod sa ka-love team sa aktres nga si Bobby Andrews, ug matud pa dili gyud niya makalimtan ang hulagway ni Dingdong kaniadto sanglit pinatunga pa ang buhok niini, ug aduna pay braces ang ngipon.
“Nagtatawanan nga kami ni Dong kasi hanggang ngayon ay ‘Ate’ ang tawag niya sa akin. Sa TGIS kasi, ina-Ate niya ako. I found out na one year lang pala ang pagitan ng edad namin ni Dong,” tsika pa ni Angelu sa PangMasa.
Dungag pa niya nga human ang kissing scene nila sa maong serye, iyang giingnan si Dingdong nga na-shock siya sanglit kong iyang huna-hunaon ang nangagi, bata pa kaayo ang aktor kaniadto ug si Antonette Taus pa ang ka-loveteam niini.
Gikomedyahan usab si Angelu sa membro sa E-press kong ugaling single pa siya ug wala manganak og aduna bay purohan nga ma-inlove siya sa actor. Pwes, dakong posilibidad ang gi-lenggua ni Angelu nga matud pa wala’y saktong babae ang dili mabuang ug maibog sa actor sanglit lahi siya sa ubang lalake ug grabe kaayo ang appeal. - Darling Chyrmyth C. Wagas
- Latest
