Angel luwas, nakagawas na
Safe na si Angel Locsin sa dengue infection ug nakagawas na kini kagahapon sa buntag sa St. Luke’s hospital diin na-confine siya niadto pang January 22. Niadtong Lunes mitaas ang iyang platelet count gikan sa 53 000 pagka buntag miabot og 67 000 ug sa pagka alas-singko kagahapon sa buntag nahimo nang 69 000.
Misugot ang doctor ni Angel (Dr. Palanigan) sa hangyo sa dalaga nga mouli na siya ug sa balay na magpakaayo. Nasayran sa PangMasa nga gidid-an pa kining motrabaho ug kinahanglan ang kompletong pahuway for a week. Dili pod pwede ang pagbiyahe hinungdan nga dili kini madayon sa Rome karong January 29 alang sa screening sa “Love Me Again” nila ni Piolo Pascual.
Matud pa sa manager ni Angel nga si Becky Aguila nga mosugod na ang aktres og trabaho karong February 4 ug usa sa kataposang bisita ni Angel mao si Sam Milby last Monday kinsa makauban niya sa usa ka bag-ong serye.
Juday nahimuot sa “mabdos” prediction
Gikataw-an lang ni Judy Ann Santos ang tsika nga nagpakasal na sila ni Ryan Agoncillo ug hayan mabdos na gani ang aktres karong panahona. Suma pa niya imposibli nga momabdos siya tungod sa ka-busy niya sa Ploning ug milarga naman gani siya sa Amerika niadto pang December.
“Kasalanan sa Diyos kung ide-deny kong kasal kami, di ba? At kasalanan din sa mga tao kung hindi ko ipapaalam sa kanila kung kasal na ako or hindi. If and ever let’s say secretly married kami, one way or another, magpapa-interview pa din naman kami to let everybody know na nagpakasal kami. Pero hindi.”
Samtang giklaro ni Juday nga wala gyuy klaro nga petsa kanus-a ilang kasal ni Ryan.
“Hanggang ngayon, nandun pa din kami sa desisyon na bahay muna, bahay talaga muna. Kasi hindi kami puwede mag-settle down na wala kaming pupuntahan or wala talaga kaming maayos na transition. Palagi naming sinasabi na ang wedding pinaghahandaan dahil panghabambuhay,” butyag sa aktres.
- Latest
